చైనాలో కలుషిత వంట నూనెల కుంభకోణం

చైనాలో కలుషిత వంట నూనెల కుంభకోణం..సంచలనం రేపుతున్నది. ఇంధనాన్ని (బొగ్గు ఆయిల్‌) స్టోరేజ్‌ చేసే ట్యాంకర్లలో వంట నూనెలను నిం పి..సరఫరా చేస్తున్నారన్న ఆరోపణలు వెల్లువెత్తాయి.

బీజింగ్‌, జూలై 11: చైనాలో కలుషిత వంట నూనెల కుంభకోణం..సంచలనం రేపుతున్నది. ఇంధనాన్ని (బొగ్గు ఆయిల్‌) స్టోరేజ్‌ చేసే ట్యాంకర్లలో వంట నూనెలను నిం పి..సరఫరా చేస్తున్నారన్న ఆరోపణలు వెల్లువెత్తాయి. ఈ నేపథ్యంలో దేశంలో ఆహార భద్రతపై సర్వత్రా ఆందోళన వ్యక్తమవుతున్నది. దీంతో చైనా ప్రభుత్వ రంగ కంపెనీలు తయారుచేసిన వంట నూనెల అమ్మకాలను ఆన్‌లైన్‌ స్టోర్లు నిలిపివేస్తున్నాయి.

ఆ కంపెనీల ఉత్పత్తులను తొలగిస్తున్నాయి. ట్యాంకర్లలో కోల్‌ ఆయిల్‌ను అన్‌లోడింగ్‌ చేసిన వెంటనే, స్టోరేజ్‌ ట్యాంకర్లను శుభ్రం చేయకుండా.. సోయాబీన్‌ ఆయిల్‌ను నింపారని ‘బీజింగ్‌ న్యూస్‌’ గతవారం వెలువరించిన వార్తా కథనం దేశవ్యాప్తంగా సంచలనం రేపింది. దీంతో వంట నూనెల సరఫరాపై చైనా అత్యున్నత స్థాయి దర్యాప్తునకు ఆదేశించింది.