హింస ప్రోత్సాహాన్ని అనుమతించం

హింసను ప్రోత్సహించడాన్ని కెనడాలో ఎంతమాత్రం అనుమతించబోమని ఆ దేశ ప్రజా భద్రతా వ్యవహారాల శాఖ మంత్రి లెబ్లాంక్‌ స్పష్టం చేశారు.

• ఇందిర హత్య పోస్టర్లపై కెనడా

ఒట్టావా: హింసను ప్రోత్సహించడాన్ని కెనడాలో ఎంతమాత్రం అనుమతించబోమని ఆ దేశ ప్రజా భద్రతా వ్యవహారాల శాఖ మంత్రి లెబ్లాంక్‌ స్పష్టం చేశారు. భారత మాజీ ప్రధాని ఇందిరా గాంధీ హత్యను వర్ణిస్తూ వాంకోవర్‌ నగరంలో పలు చోట్ల పోస్టర్లు వెలియడంపై ఆయన తాజాగా ఎక్స్‌లో స్పందించారు.

ఈ పోస్టర్లను ఖలిస్థాన్‌ మద్దతుదారులు ఏర్పాటు చేసినట్టు అనుమానాలు వ్యక్తమవుతున్నాయి. దీనిపై భారత సంతతికి చెందిన చట్టసభ్య సభ్యుడు చంద్ర ఆర్య ఆందోళన వ్యక్తం చేశారు. ఖలిస్థాన్‌ మద్దతుదారులు హిందూ కెనడియన్స్‌లో భయం సృష్టించాలని చూస్తున్నారని అన్నారు.