Beijing Olympics | అమెరికా, ఆస్ట్రేలియా బాటలోనే కెనడా..

Beijing Olympics | అమెరికా, ఆస్ట్రేలియాబాటలోనే కెనడా పయనించింది. బీజింగ్‌ ఒలింపిక్స్‌ను బహిష్కరించాలని కెనడా ప్రభుత్వం నిర్ణయించింది.

ఒట్టావా: అమెరికా, ఆస్ట్రేలియాబాటలోనే కెనడా పయనించింది. బీజింగ్‌ ఒలింపిక్స్‌ను బహిష్కరించాలని కెనడా ప్రభుత్వం నిర్ణయించింది. మానవ హక్కుల ఉల్లంఘన, చైనాలోని కమ్యూనిస్టు ప్రభుత్వం అనుసరిస్తున్న విధానాలకు నిరసనగా ఈ మేరకు నిర్ణయం తీసుకున్నట్లు ప్రధాని జస్టిన్‌ ట్రుడో ప్రకటించారు. వచ్చేడాది బీజింగ్‌లో జరిగిన వింటర్‌ ఒలింపిక్స్‌ ప్రారంభ, ముగింపు వేడుకల్లో తమ దేశం తరఫున అధికారులు గానీ, రాయబారులు గానీ పాల్గొనరని చెప్పారు. అయితే క్రీడాకారులు క్రీడల్లో పాల్గొంటారని వెల్లడించారు. ఈ విషయాన్ని గత నాలుగు నెలలుగా పరిశీలిస్తున్నామని, తమ భాగస్వామ్య దేశాలతో చర్చించిన తర్వాత ఈ మేరకు నిర్ణయం తీసుకున్నామని ట్రుడో తెలిపారు.

బీజింగ్‌లో జరిగే వింటర్‌ ఒలింపిక్స్‌ను బహిష్కరిస్తున్నామని అమెరికా, బ్రిటన్‌, ఆస్ట్రేలియా, లిథువేనియాలు ఇప్పటికే ప్రకటించాయి. తాజాగా ఈ జాబితాలో కెనడా చేరడంతో ఈ సంఖ్య ఐదుకు చేరింది. ఇదే విషయమై ఫ్రాన్స్‌ కూడా త్వరలో నిర్ణయం తీసుకోనుంది. యూరోపియన్‌ దేశాలతో చర్చిస్తున్నామని ఫ్రాన్స్‌ విదేశాంగ శాఖ కార్యదర్శి తెలిపారు.

Canada remains deeply disturbed by reports of human rights violations in China. As a result, we won’t be sending diplomatic representatives to Beijing for the Olympic and Paralympic Winter Games. We’ll continue to support our athletes who work hard to compete on the world stage.

— Justin Trudeau (@JustinTrudeau) December 8, 2021