Cairo Accident | ఈజిప్ట్ రాజధాని కైరోలో ఘోర రోడ్డు ప్రమాదం జరిగింది. మధ్యధరా నగరమైన అలెగ్జాండ్రియాను కలిపే హైవేపై శనివారం కార్లు, పలు వాహనాలు ఒకదానితో ఒకటి ఢీకొట్టుకున్నాయి. ఘటనలో 32 మంది దుర్మరణం చెందగా.. 63 మంది వరకు గాయపడ్డారు. హైవేపై మూడు ప్యాసింజర్ బస్సులు, పది కార్లు ఢీకొట్టుకున్నాయి.
సమాచారం అందుకున్న అధికారులు సంఘటనా స్థలానికి చేరుకొని మంటలను ఆర్పి వేయడంతో పాటు క్షతగాత్రులను ఆసుపత్రికి తరలించారు. అయితే, ఓ కారు నుంచి ఆయిల్ లీక్ కావడంతో భారీగా మంటలు చెలరేగి.. మిగతా వాహనాలకు వ్యాపించాయి. అయితే, ప్రమాదం జరిగిన సమయంలో పలువురు కారులోనే చిక్కుకుపోగా.. మంటల్లో చిక్కుకొని పలువురు సజీవ దహనమైనట్లు స్థానిక అధికారులు పేర్కొన్నారు.
ప్రమాదానికి సంబంధించిన వీడియో సోషల్ మీడియాలో వైరల్గా మారింది. ఈజిప్ట్లో రోడ్డు ప్రమాదాలు భారీగా జరుగుతుంటాయి. ప్రతి ఏటా వేలాది మంది ప్రాణాలను కోల్పోతున్నారు. అధ్వానమైన రోడ్లు, అతివేగం, ట్రాఫిక్ చట్టాలను సక్రమంగా అమలు చేయకపోవడం మూలంగానే ప్రమాదాలు సంభవిస్తున్నాయని పలు నివేదికలు పేర్కొంటున్నాయి.