Tipu Sultan Sword: రూ.140 కోట్ల‌కు అమ్ముడుపోయిన టిప్పు సుల్తాన్ ఖడ్గం

Tipu Sultan Sword: టిప్పు సుల్తాన్ ఖ‌డ్గం సుమారు రూ.140 కోట్ల‌కు అమ్ముడుపోయింది. వేలం నిర్వ‌హించిన బాన్‌హ‌మ్స్ హౌజ్ ఈ విష‌యాన్ని వెల్ల‌డించింది. అంచ‌నా వేసిన దాని క‌న్నా ఏడు రెట్లు ఎక్కువ ధ‌ర‌కు అమ్ముడుపోయిన‌ట్లు బాన్‌హ‌మ్స్ తెలిపింది.

లండ‌న్‌: మైసూర్ రాజు టిప్పు సుల్తాన్ ఖ‌డ్గాన్ని(Tipu Sultan Sword) లండ‌న్‌లో వేలం వేశారు. ఆ ఆక్ష‌న్‌లో టిప్పు సుల్తాన్ ఖ‌డ్గం సుమారు రూ.140 కోట్ల‌కు అమ్ముడుపోయింది. వేలం నిర్వ‌హించిన బాన్‌హ‌మ్స్ హౌజ్ ఈ విష‌యాన్ని వెల్ల‌డించింది. అంచ‌నా వేసిన దాని క‌న్నా ఏడు రెట్లు ఎక్కువ ధ‌ర‌కు అమ్ముడుపోయిన‌ట్లు బాన్‌హ‌మ్స్ తెలిపింది. 18వ శ‌తాబ్ధంలో ఎన్నో యుద్ధాల‌ను గెలిచిన టిప్పు సుల్తాన్ ఈ ఖ‌డ్గాన్ని వాడిన‌ట్లు ఆధారాలు ఉన్నాయి. టిప్పు సుల్తాన్‌కు టైగ‌ర్ ఆఫ్ మైసూర్ అన్న నిక్‌నేమ్ ఉంది. ఆయ‌న త‌న సామ్రాజ్యాన్ని అత్యంత ధైర్య‌సాహాసాలు ప్ర‌ద‌ర్శించి ర‌క్షించుకున్నాడు. యుద్ధాల స‌మ‌యంలో రాకెట్ ఆర్టిల్ల‌రీ వాడాడు. టిప్పు సుల్తాన్ మృతి త‌ర్వాత బ్రిటీష్ మేజ‌ర్ జ‌న‌ర‌ల్ డేవిడ్ బ‌యిర్డ్‌కు ఈ ఖ‌డ్గాన్ని అంద‌జేశారు.