18 వేల మంది ఉద్యోగులను తొలగించనున్న అమెజాన్‌

Amazon | ప్రముఖ ఈ-కామర్స్‌ దిగ్గజం అమెజాన్‌ 18 వేల మందికిపైగా ఉద్యోగులపై వేటువేయనుంది. గత కొన్నేండ్లుగా అధిక సంఖ్యలో నియామకాలు జరుపుతుండటంతోపాటు ఆర్థిక వ్యవస్థలో అనిశ్చితి కారణంగా

వాషింగ్టన్‌: ప్రముఖ ఈ-కామర్స్‌ దిగ్గజం అమెజాన్‌ 18 వేల మందికిపైగా ఉద్యోగులపై వేటువేయనుంది. గత కొన్నేండ్లుగా అధిక సంఖ్యలో నియామకాలు జరుపుతుండటంతోపాటు ఆర్థిక వ్యవస్థలో అనిశ్చితి కారణంగా ఉద్యోగులను తొలగించనున్నట్లు కంపెనీ సీఈవో ఆండీ జెస్సీ ప్రకటించారు. ఈమేరకు ఉద్యోగులకు ఒక సందేశాన్ని పంపించారు.

నవంబర్‌లో తొలగించిన దానికంటే అధికంగా సుమారు 18 వేల మంది ఉద్యోగులను తొలగిస్తున్నామని ఆండీ జాస్సీ చెప్పారు. జనవరి 18 నుంచి తొలగించే ఉద్యోగలకు సమాచారం అందిస్తామని తెలిపారు. ఇది యూరప్‌ దేశాల్లో ఉంటుందని స్పష్టం చేశారు. అమెజాన్‌లో ప్రపంచవ్యాప్తంగా 1.5 మిలియన్ల మంది ఉద్యోగులు పని చేస్తున్నారు. ఆర్థిక మాంద్యం, ద్రవ్యోల్బణం, ప్రపంచ ఆర్థిక వ్యవస్థ క్షీణించడం కారణంగా తన ఖర్చులను తగ్గించుకోవాలనే ఉద్దేశంతో ఉద్యోగాలపై కోతలు విధించాలని నిర్ణయం తీసుకున్నది.

Our CEO Andy Jassy just shared a message to Amazon employees. https://t.co/cw5Dl6WY84

— Amazon News (@amazonnews) January 5, 2023