న్యూయార్క్, మార్చి 20: అమెజాన్ రెండోదశ ఉద్యోగాల తొలగింపునకు సిద్ధమైంది. రానున్న కొన్ని వారాల్లో తొమ్మిది వేల మంది ఉద్యోగులను తొలగించనున్నట్టు అమెజాన్ సీఈవో ఆండీ జస్సీ తెలిపారు. ఈ మేరకు సోమవారం ఆయన ఉద్యోగులకు మెమో పంపించారు.
ఇప్పటికే 18 వేల మంది ఉద్యోగులను తొలగిస్తున్నట్టు అమెజాన్ జనవరిలో ప్రకటించింది. ఇప్పుడు దీనికి అదనంగా తొమ్మిది వేల మందిని తొలగించనుంది. ఇది అమెజాన్ చరిత్రలోనే రెండో అతిపెద్ద లేఆఫ్ ప్రకటన. అయితే, అవసరాల మేరకు కొన్ని ప్రాంతాల్లో కొత్త ఉద్యోగులను తీసుకోనున్నట్టు అమెజాన్ ప్రకటించింది.