Air Canada Plane Diverted | కుటుంబ వ్యక్తిపై యువకుడు దాడి.. విమానం దారి మళ్లింపు

Air Canada Plane Diverted | విమానం గాలిలో ఉండగా కుటుంబ వ్యక్తిపై 16 ఏళ్ల యువకుడు దాడి చేశాడు. దీంతో విమాన సిబ్బంది, మిగతా ప్రయాణికులు అతడ్ని అడ్డుకుని నిర్బంధించారు. ఈ సంఘటన నేపథ్యంలో ఆ విమానాన్ని దారి మళ్లించారు.

టొరంటో: విమానం గాలిలో ఉండగా కుటుంబ వ్యక్తిపై 16 ఏళ్ల యువకుడు దాడి చేశాడు. దీంతో విమాన సిబ్బంది, మిగతా ప్రయాణికులు అతడ్ని అడ్డుకుని నిర్బంధించారు. ఈ సంఘటన నేపథ్యంలో ఆ విమానాన్ని దారి మళ్లించారు. (Air Canada Plane Diverted) కెనడాలో ఈ సంఘటన జరిగింది. ఎయిర్ కెనడాకు చెందిన 137 విమానం టొరంటో నుంచి కాల్గరీకి బయలుదేరింది. అయితే ఆ విమానం గాలిలో ఉండగా 16 ఏళ్ల యువకుడు వింతగా ప్రవర్తించాడు. ఉన్నట్టుండి కుటుంబానికి చెందిన ఒక వ్యక్తిని దారుణంగా కొట్టాడు. విమాన సిబ్బందితో పాటు మిగతా ప్రయాణికులు వెంటనే స్పందించారు. ఆ యువకుడ్ని అడ్డుకుని నిర్బంధించారు. గాయపడిన వ్యక్తికి చికిత్స అందించారు.

కాగా, ఈ సంఘటన నేపథ్యంలో ఆ విమానాన్ని దారి మళ్లించారు. విన్నిపెగ్ రిచర్డ్‌సన్ అంతర్జాతీయ విమానాశ్రయంలో దానిని ల్యాండ్‌ చేశారు. విమానంలో వింతగా ప్రవర్తించడంతోపాటు కుటుంబానికి చెందిన వ్యక్తిపై దాడి చేసిన యువకుడ్ని పోలీసులకు అప్పగించారు. దీంతో అతడ్ని ఆసుపత్రికి తరలించారు. అయితే ఈ సంఘటన వల్ల విమానం దారి మళ్లడంతో మూడు గంటలు ఆలస్యంగా గమ్యస్థానానికి చేరింది. ఈ నేపథ్యంలో మిగతా విమాన ప్రయాణికులు ఇబ్బంది పడ్డారు.