Gangster Guilty | 33 హత్యలు చేసిన గ్యాంగ్‌స్టర్‌.. 1310 సంవత్సరాల జైలుశిక్ష

Gangster Guilty | అతను మొత్తం 33 హత్యలు చేశాడు. తొమ్మది హత్యలకు కుట్రపన్నాడు. అనేక ఇతర ప్రమాదకర నేర కార్యకలాపాలకు పాల్పడ్డాడు. అందుకే ఈ ప్రమాదకర గ్యాంగ్‌స్టర్‌కు అక్కడి న్యాయస్థానం ఏకంగా 1310 సంవత్సరాల జైలుశిక్ష విధించింది.

ఎల్‌ సాల్వెడార్‌: ఉత్తర అమెరికా దేశమైనా ఎల్‌ సాల్వెడార్‌లో పోలీసులు ఓ భయంకరమైన గ్యాంగ్‌స్టర్‌ను అదుపులోకి తీసుకున్నారు. అతను మొత్తం 33 హత్యలు చేశాడు. తొమ్మది హత్యలకు కుట్రపన్నాడు. అనేక ఇతర ప్రమాదకర నేర కార్యకలాపాలకు పాల్పడ్డాడు. అందుకే ఈ ప్రమాదకర గ్యాంగ్‌స్టర్‌కు అక్కడి న్యాయస్థానం ఏకంగా 1310 సంవత్సరాల జైలుశిక్ష విధించింది.

విల్మేర్‌ సెగోవియా అనే ఆ కరుడుగట్టిన నేరగాడు మారా సాల్వట్రుచ గ్యాంగ్‌కు చెందిన షల్టన్‌ సెల్‌ సభ్యుడు. ఈ గ్యాంగ్‌ ఎల్‌ సాల్వెడార్‌లో ఎన్నో క్రూరమైన నేరాలకు పాల్పడింది. ఈ గ్యాంగ్‌నే MS-13 అని కూడా అంటారు. అయితే, ఒక నేరస్తుడికి ఏకంగా 13 శతాబ్దాలకుపైగా శిక్ష విధించడం అనేది ఇక్కడ అశ్చర్యకరమైన విషయం.

అయితే, ఇదే ఎల్‌ సాల్వెడార్‌ దేశంలో ఇటీవల మరో నరహంతకుడికి కూడా అత్యంత దీర్ఘకాల శిక్ష పడింది. మిగ్వెల్‌ ఏంజిల్‌ పోర్టిల్లో అనే గ్యాంగ్‌స్టర్‌ మొత్తం 22 క్రూరమైన హత్యా నేరాలు చేశాడు. అంతేగాక పలు హత్యాయత్నాలు, దాడులు, బలవంతపు వసూళ్లలో అతని పాత్ర ఉంది. దాంతో మిగ్వెల్‌కు అక్కడి న్యాయస్థానం ఏకంగా 945 సంవత్సరాల జైలుశిక్ష విధించింది.

కాగా, ఈ కరుడుగట్టిన మారా సాల్వట్రుచ గ్యాంగ్‌లో ఏకంగా 60 వేల మంది వరకు సభ్యులు ఉన్నారని అక్కడి ప్రభుత్వం చెబుతోంది. ఇప్పుడు వాళ్లందరినీ జైల్లో పెట్టేందుకు ఒక పక్కా ప్రణాళికను రచిస్తోంది. ఇప్పటికే కొన్ని వేల మంది గ్యాంగ్‌ సభ్యులు ఎల్‌ సాల్వెడార్‌ జైళ్లలో ఉన్నారు. తాజాగా నిర్మించిన కొత్త జైలులోకి మారా సాల్వట్రుచ గ్యాంగ్‌కు చెందిన 2000 మందిని తరలించారు. ఆ తరలింపునకు సంబంధించిన దృశ్యాలు కింది వీడియోలో ఉన్నాయి.

Hoy en la madrugada, en un solo operativo, trasladamos a los primeros 2,000 pandilleros al Centro de Confinamiento del Terrorismo (CECOT).

Esta será su nueva casa, donde vivirán por décadas, mezclados, sin poder hacerle más daño a la población.

Seguimos…#GuerraContraPandillas pic.twitter.com/9VvsUBvoHC

— Nayib Bukele (@nayibbukele) February 24, 2023