మత బోధకుడికి 8,658 ఏండ్ల జైలు

తుర్కియేలోని ఇస్తాంబుల్‌ కోర్టు సంచలన తీర్పు వెలువరించింది. లైంగిక వేధింపుల కేసులో ఇస్లామిక్‌ టీవీ మత బోధకుడు, రచయిత అద్నన్‌ ఒక్తర్‌కు 8,658 ఏండ్ల జైలు శిక్ష విధించింది. ఒక్తర్‌ టీవీ కార్యక్రమాల్లో మహిళల అలంకరణ, వేషధారణపై అసభ్యకర వ్యాఖ్యలు చేశారు.

ఇస్తాంబుల్‌: తుర్కియేలోని ఇస్తాంబుల్‌ కోర్టు సంచలన తీర్పు వెలువరించింది. లైంగిక వేధింపుల కేసులో ఇస్లామిక్‌ టీవీ మత బోధకుడు, రచయిత అద్నన్‌ ఒక్తర్‌కు 8,658 ఏండ్ల జైలు శిక్ష విధించింది. ఒక్తర్‌ టీవీ కార్యక్రమాల్లో మహిళల అలంకరణ, వేషధారణపై అసభ్యకర వ్యాఖ్యలు చేశారు.

ఓ కార్యక్రమంలో పాల్గొన్న ఒక్తర్‌.. మహిళలను పిల్లికూనలు అన్నందుకు 2018లో అతడితోపాటు 77 మందిని పోలీసులు అరెస్ట్‌ చేశారు. లైంగిక వేధింపులు, మోసం, సైనిక గూఢచర్యానికి ప్రయత్నించడంలాంటి నేరాలకు సంబంధించి గతేడాది ఒక్తర్‌కు 1,075 ఏండ్ల శిక్షపడింది. ఆ తీర్పును పై కోర్టు తోసిపుచ్చింది. ఈ కేసు పునర్విచారణలో భాగంగా ఒక్తర్‌కు తాజాగా ఇస్తాంబుల్‌ కోర్టు 8,658 ఏండ్ల జైలు శిక్ష విధించింది.