బీజింగ్: చైనాలోని యూనన్ ప్రావిన్సులో ఉన్న ఓ ఆస్పత్రిలో కత్తి దాడి(Knife Attack) జరిగింది. ఆ ఘటనలో పది మంది మృతిచెందారు. డజన్ సంఖ్యలో జనం గాయపడ్డారు. ఆస్పత్రిలో విధ్వంసకర ఘటన చోటుచేసుకున్నట్లు చైనా మీడియా తెలిపింది. జిన్జియాంగ్ కౌంటీలోని స్థానిక ఆస్పత్రిలో ఈ సంఘటన జరిగింది. దాడికి చెందిన పలు వీడియోలు రిలీజ్ అయ్యాయి. అనుమానితుడిని పోలీసులు అదుపులోకి తీసుకున్నారు. చైనాలో తుపాకులపై నిషేధం ఉన్నది. దీంతో అక్కడ కత్తి పోటు దాడులు ఎక్కువగా నమోదు అవుతున్నాయి. గత ఏడాది గ్యాంగ్డాంగ్ స్కూల్లో జరిగిన దాడిలో ఆరుగురు మృతిచెందిన విషయం తెలిసిందే. 2020లో ఓ స్కూల్లో జరిగిన అటాక్లో 37 మంది చిన్నారులు గాయపడ్డారు. యునన్ ప్రావిన్సులో 2014లో కూడా కత్తి అటాక్ ఝరిగింది. రాజధాని కున్మింగ్లో జరిగిన ఘటనలో 33 మంది మృతిచెందగా, 133 మంది గాయపడ్డారు.