Zero Shadow day | ఈ నెల 9న హైదరాబాద్‌లో జీరో షాడో డే.. 2 నిమిషాల పాటు నీడ కనిపించదు

Zero Shadow day | హైదరాబాద్‌ (Hyderabad) లో ఈనెల 9న ఓ అద్భుతం ఆవిష్కృతం కానుంది. సరిగ్గా ఆరోజు మధ్యాహ్నం 12:12 గంటల సమయంలో నీడ కనిపించని ‘జీరో షాడో డే’ (Zero Shadow day) ఏర్పడనుంది.

Zero Shadow day | హైదరాబాద్‌ (Hyderabad) లో ఈనెల 9న ఓ అద్భుతం ఆవిష్కృతం కానుంది. సరిగ్గా ఆరోజు మధ్యాహ్నం 12:12 గంటల సమయంలో నీడ కనిపించని ‘జీరో షాడో డే’ (Zero Shadow day) ఏర్పడనుంది. ఈ విషయాన్ని బీఎం బిర్లా సైన్స్‌ సెంటర్‌ (Bm Birla Science Centre) టెక్నికల్‌ అధికారి ఎన్‌.హరిబాబుశర్మ తెలిపారు. ఆ సమయంలో హైదరాబాద్‌లో సూర్య కిరణాలు నిట్టనిలువుగా పడతాయని చెప్పారు. అప్పుడు ఎండలో నిటారుగా ( 90 డిగ్రీల కోణం) ఉంచిన ఏ వస్తువు నీడా రెండు నిమిషాల పాటు అంటే 12:12 నుంచి 12:14 వరకు కనిపించదని పేర్కొన్నారు. మనం ఎండలో నిలుచున్నా.. మన నీడ సైతం కనిపించదని తెలిపారు.

ఇదే విధంగా హైదరాబాద్‌లో ఆగస్టు 3వ తేదీన కూడా ‘జీరో షాడో డే’ ఏర్పడుతుందని ఆయన వివరించారు. సమయంలో మార్పులతో దాదాపుగా అన్ని ప్రాంతాల్లోనూ నీడ మాయం అవుతుందని తెలిపారు. కాగా, ఇటీవల బెంగళూరులోనూ ఈ ఖగోళ అద్భుతం కనిపించిన విషయం తెలిసిందే. ఏప్రిల్ 25న మధ్యాహ్నం 12.17 గంటల సమయంలో రెండు నిమిషాల పాటు ఎండలో ఉన్న వస్తువులు, మనుషుల నీడ మాయమైంది.

Also Read..

India Corona | 24 గంటల్లో 3,720 కొత్త కేసులు.. 20 మరణాలు

Body Guard | జీతం ఇవ్వలేదని.. మంత్రిని కాల్చి చంపిన బాడీగార్డ్‌

Bahuda Bridge | తప్పిన ప్రమాదం.. ఇచ్ఛాపురంలో కూలిపోయిన బహుదా బ్రిడ్జి.. వీడియో