మాదాపూర్, జనవరి 19: స్కిల్ డెవలప్మెంట్ సెంటర్ ద్వారా రాష్ట్ర వ్యాప్తంగా ప్రతి సంవత్సరం 2 లక్షల మంది యువతకు శిక్షణనిచ్చి, ప్లేస్మెంట్ కల్పించే కార్యక్రమాలను చేపట్టనున్నట్లు మంత్రి కోమటిరెడ్డి వెంకట్రెడ్డి తెలిపారు. మాదాపూర్లోని న్యాక్ను మంత్రి శుక్రవారం సందర్శించారు. న్యాక్ డైరెక్టర్ జనరల్ కె.భిక్షపతి, ప్లేస్మెంట్ డైరెక్టర్ శాంతి శ్రీ, సీఎస్ శాంతికుమారితో కలిసి న్యాక్ డైరీని ఆవిష్కరించి మాట్లాడారు. హైదరాబాద్ అభివృద్ధికి నిరంతరం కృషి చేస్తామని, స్కిల్ డెవలప్మెంట్ సెంటర్ను రాష్ట్ర వ్యాప్తంగా అభివృద్ధి చేస్తామని చెప్పారు. మండలం, జిల్లా స్థాయిలో స్కిల్ డెవలప్మెంట్ సెంటర్ను ఏర్పాటు చేసి ఇంటర్నేషనల్ స్టాండర్డ్స్లో స్కూల్స్ పెడతామన్నారు. మహబూబ్నగర్, నల్లొండ జిల్లాల్లో స్కిల్ డెవలప్మెంట్ సెంటర్ను ట్రయల్గా మొదలు పెడతామని పేర్కొన్నారు.