TSRTC | ఇద్ద‌రు కండ‌క్ట‌ర్ల‌పై మ‌హిళా ప్ర‌యాణికురాలు దాడి.. ఖండించిన సజ్జ‌నార్

TSRTC | హయత్‌నగర్ డిపో-1కు చెందిన ఇద్దరు కండక్టర్లపై ఓ మహిళా ప్రయాణికురాలు నానా దుర్భషలాడుతూ దాడికి పాల్పడిన ఘటనను టీఎస్‌ఆర్టీసీ యాజమాన్యం తీవ్రంగా ఖండిస్తోంది అని పేర్కొంటూ ఎండీ వీసీ స‌జ్జ‌నార్ ట్వీట్ చేశారు. ఈ ఘటనపై రాచకొండ కమిషనరేట్ ప‌రిధిలోని ఎల్బీనగర్‌ పోలీస్‌ స్టేషన్‌లో ఆర్టీసీ అధికారులు ఫిర్యాదు చేశారు.

TSRTC | హైద‌రాబాద్ : హయత్‌నగర్ డిపో-1కు చెందిన ఇద్దరు కండక్టర్లపై ఓ మహిళా ప్రయాణికురాలు నానా దుర్భషలాడుతూ దాడికి పాల్పడిన ఘటనను టీఎస్‌ఆర్టీసీ యాజమాన్యం తీవ్రంగా ఖండిస్తోంది అని పేర్కొంటూ ఎండీ వీసీ స‌జ్జ‌నార్ ట్వీట్ చేశారు. ఈ ఘటనపై రాచకొండ కమిషనరేట్ ప‌రిధిలోని ఎల్బీనగర్‌ పోలీస్‌ స్టేషన్‌లో ఆర్టీసీ అధికారులు ఫిర్యాదు చేశారు. ఆ కేసును పోలీసులు దర్యాప్తు చేస్తున్నారు.

ఇది మొదటి ట్రిప్పు అని తన దగ్గర చిల్లర లేదని కండక్టర్‌ విన్నవించిన ఆ మహిళా ఏమాత్రం వినకుండా దాడికి పాల్పడ్డారు. అంతేకాకుండా ఆమె అస‌భ్య ప‌ద‌జాలంతో దూషించారు. ఒక‌ట్రెండు త‌న కాలితో కండక్ట‌ర్‌ను త‌న్నింది. తాను మ‌ర్డ‌ర్లు చేస్తా.. చంపేస్తానంటూ కండ‌క్ట‌ర్‌ను బెదిరింపుల‌కు గురి చేసింది. ఆమెను నిలువ‌రించేందుకు మ‌రో మ‌హిళా కండ‌క్ట‌ర్ ప్ర‌య‌త్నించిన‌ప్ప‌టికీ, ఆమె ప‌ట్ల కూడా దురుసుగా ప్ర‌వ‌ర్తించింది.

నిబద్దతతో సమర్థవంతంగా విధులు నిర్వహిస్తోన్న సిబ్బందిపై ఇలాంటి ఘటనలకు పాల్పడితే ఏమాత్రం ఉపేక్షించబోమని టీఎస్‌ఆర్టీసీ యాజమాన్యం స్పష్టం చేస్తోంది. టీఎస్ఆర్టీసీ సిబ్బంది విధులకు ఆటకం కలిగించే, దాడులకు దిగే వ్యక్తులపై చట్టప్రకారం చర్యలు తీసుకోవడం జరుగుతుంది. టీఎస్‌ఆర్టీసీ సిబ్బంది చాలా ఓపిక, సహనంతో విధులు నిర్వహిస్తున్నారు. వారికి సహకరించి క్షేమంగా గమ్యస్థానాలకు చేరుకోవాలని ప్రజలకు సంస్థ విజ్ఞప్తి చేస్తోంది.

హయత్‌నగర్ డిపో-1కు చెందిన ఇద్దరు కండక్టర్లపై ఓ మహిళా ప్రయాణికురాలు నానా దుర్భషలాడుతూ దాడికి పాల్పడిన ఘటనను టీఎస్‌ఆర్టీసీ యాజమాన్యం తీవ్రంగా ఖండిస్తోంది. ఈ ఘటనపై రాచకొండ కమిషనరేట్‌ ఎల్బీనగర్‌ పోలీస్‌ స్టేషన్‌లో ఆర్టీసీ అధికారులు ఫిర్యాదు చేశారు. ఆ కేసును పోలీసులు దర్యాప్తు…

— VC Sajjanar – MD TSRTC (@tsrtcmdoffice) January 31, 2024