గ్రేటర్‌లో 14 మంది ఐపీఎస్‌ల బదిలీ

నగరంలో 14 మంది ఐపీఎస్‌ అధికారులను బదిలీ చేయడంతో పాటు పలువురికి పోస్టింగ్‌లు కల్పిస్తూ ప్రభుత్వం ఉత్తర్వులు జారీ చేసింది.

సిటీబ్యూరో, డిసెంబర్‌ 17 (నమస్తే తెలంగాణ): నగరంలో 14 మంది ఐపీఎస్‌ అధికారులను బదిలీ చేయడంతో పాటు పలువురికి పోస్టింగ్‌లు కల్పిస్తూ ప్రభుత్వం ఉత్తర్వులు జారీ చేసింది. హైదరాబాద్‌ పోలీసు కమిషనరేట్‌లో ఎస్‌బీ అదనపు కమిషనర్‌గా విధులు నిర్వర్తిస్తున్న పి.విశ్వప్రసాద్‌ను అక్కడి నుంచి బదిలీ చేసి, అదే కమిషనరేట్‌ పరిధిలోని ట్రాఫిక్‌ అదనపు సీపీగా పోస్టింగ్‌ ఇచ్చారు. పోస్టింగ్‌ కోసం వెయిటింగ్‌లో ఉన్న ఏవీ.రంగనాథ్‌కు నగర కమిషనరేట్‌లోని క్రైమ్స్‌, సిట్‌ జాయింట్‌ కమిషనర్‌గా పోస్టింగ్‌ కల్పించారు. ఇంటెలిజెన్స్‌ ఎస్పీగా విధులు నిర్వర్తిస్తున్న ఎం.విజయ్‌కుమార్‌ను అక్కడి నుంచి బదిలీ చేసి, వెస్ట్‌జోన్‌ డీసీపీగా పోస్టింగ్‌ కల్పించారు. వెస్ట్‌జోన్‌ డీసీపీగా ఉన్న జోయల్‌ డేవిస్‌ను అక్కడి నుంచి ఎస్‌బీకి బదిలీ చేశారు. మెదక్‌ ఎస్పీగా విధులు నిర్వర్తిస్తున్న రోహిణీ ప్రియదర్శినిని నగరంలోని నార్త్‌జోన్‌ డీసీపీగా బదిలీ చేశారు. నార్త్‌జోన్‌ డీసీపీ చందనాదీప్తిని అక్కడి నుంచి బదిలీ చేసి, డీజీపీ కార్యాలయంలో రిపోర్ట్‌ చేయాలని ఆదేశించారు.

సిద్దిపేట పోలీసు కమిషనర్‌గా విధులు నిర్వర్తిస్తున్న ఎన్‌.శ్వేతను అక్కడి నుంచి బదిలీ చేసి, నగర కమిషనరేట్‌లోని డీడీ డీసీపీగా పోస్టింగ్‌ కల్పించారు. వెయిటింగ్‌లో ఉన్న ఎ.సుబ్బరాయుడికి నగరంలో ట్రాఫిక్‌-1డీసీపీగా పోస్టింగ్‌ కల్పించారు. నగర టాస్క్‌ఫోర్స్‌ డీసీపీగా విధులు నిర్వర్తిస్తున్న నితిక పంత్‌ను అక్కడి నుంచి బదిలీ చేసి, డీజీపీ కార్యాలయంలో రిపోర్ట్‌ చేయాల్సిందిగా ఆదేశించారు. నగర క్రైమ్స్‌, సిట్‌ జాయింట్‌ కమిషనర్‌గా విధులు నిర్వర్తిస్తున్న గజారావు భూపాల్‌ను అక్కడి నుంచి బదిలీ చేసి, డీజీపీ కార్యాలయంలో రిపోర్ట్‌ చేయాల్సిందిగా ఆదేశించారు. వెయిటింగ్‌లో ఉన్న ఎన్‌.వెంకటేశ్వర్లుకు హైదరాబాద్‌ ట్రాఫిక్‌-3 డీసీపీగా పోస్టింగ్‌ కల్పించారు. ట్రాఫిక్‌-3డీసీపీగా పనిచేస్తున్న డి.శ్రీనివాస్‌ను అక్కడి నుంచి బదిలీ చేసి, డీజీపీ కార్యాలయంలో రిపోర్ట్‌ చేయాల్సిందిగా ఆదేశించారు. రాచకొండ కమిషనరేట్‌లోని రోడ్‌ సేఫ్టీ విభాగంలో డీసీపీగా విధులు నిర్వర్తిస్తున్న శ్రీబాలా దేవిని అక్కడి నుంచి బదిలీ చేసి, హైదరాబాద్‌ టాస్క్‌ఫోర్స్‌ డీసీపీగా పోస్టింగ్‌ కల్పించారు. మాదాపూర్‌ డీసీపీ జి.సందీప్‌రావును అక్కడి నుంచి బదిలీ చేసి, రైల్వే అడ్మిన్‌ ఎస్పీగా పోస్టింగ్‌ కల్పించారు. రైల్వే అడ్మిన్‌ ఎస్పీగా విధులు నిర్వర్తిస్తున్న జె.రాఘవేంద్రరావును అక్కడి నుంచి బదిలీ చేసి, డీజీపీ కార్యాలయంలో రిపోర్ట్‌ చేయాల్సిందిగా ఆదేశించారు.