Gachibowli Flyover | రాత్రి 11 నుంచి ఉదయం 6 గంటల వరకు గచ్చిబౌలి ఫ్లై ఓవర్‌ మూసివేత.. ఎందుకంటే?

జీహెచ్‌ఎంసీ ఎస్‌ఆర్‌డీపీ పనులలో భాగంగా శిల్పా లే అవుట్‌ ఫేజ్‌-2 ప్రాంతంలో ఫ్లై ఓవర్‌ నిర్మాణం కారణంగా ఈ నెల 28వ తేదీ వరకు రాత్రి 11 నుంచి ఉదయం 6 గంటల వరకు ట్రాఫిక్‌ ఆంక్షలు అమలులో ఉంటాయని సైబరాబాద్‌ ట్రాఫిక్‌ జాయింట్‌ సీపీ జోయెల్‌ డేవీస్‌ తెలిపారు.

• ఎస్‌ఆర్‌డీపీ పనుల నేపథ్యంలో 28వ తేదీ వరకు ట్రాఫిక్‌ ఆంక్షలు

Gachibowli Flyover | సిటీబ్యూరో, అక్టోబర్‌ 22 (నమస్తే తెలంగాణ): జీహెచ్‌ఎంసీ ఎస్‌ఆర్‌డీపీ పనులలో భాగంగా శిల్పా లే అవుట్‌ ఫేజ్‌-2 ప్రాంతంలో ఫ్లై ఓవర్‌ నిర్మాణం కారణంగా ఈ నెల 28వ తేదీ వరకు రాత్రి 11 నుంచి ఉదయం 6 గంటల వరకు ట్రాఫిక్‌ ఆంక్షలు అమలులో ఉంటాయని సైబరాబాద్‌ ట్రాఫిక్‌ జాయింట్‌ సీపీ జోయెల్‌ డేవీస్‌ తెలిపారు. ఈ నేపథ్యంలో నిర్ణీత సమయంలో గచ్చిబౌలి ఫ్లై ఓవర్‌ను మూసి వేస్తున్నట్లు వెల్లడించారు.

• బయోడైవర్సిటీ జంక్షన్‌ నుంచి ఐఐఐటీ జంక్షన్‌ వైపు వెళ్లే వాహనాలు గచ్చిబౌలి ఫ్లై ఓవర్‌ బైపాస్‌ చేస్తూ బిచ్చారెడ్డి స్వీట్స్‌ నుంచి గచ్చిబౌలి జంక్షన్‌ మీదుగా ఐఐఐటీ జంక్షన్‌కు చేరుకోవాలి.
• ఐఐఐటీ జంక్షన్‌ నుంచి బయో డైవర్సిటీ జంక్షన్‌కు వెళ్లే వాహనాలు గచ్చిబౌలి జంక్షన్‌ పక్క నుంచి బయోడైవర్సిటీ జంక్షన్‌కు వెళ్లాలి.