భవిష్యత్‌ తరాలను దృష్టిలో పెట్టుకుని రోడ్డు వెడల్పు చేపట్టాలి

రోడ్డు వెడల్పు | భవిష్యత్‌ తరాలను దృష్టిలో పెట్టుకుని రాబోయే రోజుల్లో ట్రాఫిక్‌ ఇబ్బందులను అధిగమించేందుకు రోడ్డు వెడల్పు కార్యక్రమాలను ముమ్మరం చేయాలని ఎల్బీనగర్‌ ఎమ్మెల్యే దేవిరెడ్డి సుధీర్‌రెడ్డి అన్నారు.

ఎల్బీనగర్‌, ఆగస్టు 26 : భవిష్యత్‌ తరాలను దృష్టిలో పెట్టుకుని రాబోయే రోజుల్లో ట్రాఫిక్‌ ఇబ్బందులను అధిగమించేందుకు రోడ్డు వెడల్పు కార్యక్రమాలను ముమ్మరం చేయాలని ఎల్బీనగర్‌ ఎమ్మెల్యే దేవిరెడ్డి సుధీర్‌రెడ్డి అన్నారు. గురువారం ఎల్బీనగర్‌ ఎమ్మెల్యే క్యాంప్‌ కార్యాలయంలో జీహెచ్‌ఎంసీ ప్రాజెక్ట్‌ విభాగం అధికారులతో సమీక్ష సమావేశం నిర్వహించారు. ఈ సందర్భంగా ఎమ్మెల్యే సుధీర్‌రెడ్డి మాట్లాడుతూ.. సాగర్‌ రింగ్‌రోడ్డులో అలేఖ్య టవర్స్‌ నుంచి సాగర్‌ రింగ్‌రోడ్డు వరకు, సాగర్‌ రింగ్‌రోడ్డు నుండి చింతలకుంట వరకు నూతన స్కై, ఫ్లై ఓవర్ల నిర్మాణం పనులు వేగవంతం చేయాలని సూచించారు.

సాగర్‌ రింగ్‌రోడ్డు నుంచి చింతలకుంట వరకు దాదాపు 200 ఫీట్ల రోడ్డు వెడల్పు చేయడం జరిగిందన్నారు. రోడ్డుకు అడ్డుగా ఉన్న స్తంభాలు, ఇతర విభాగాలకు చెందిన పైప్‌లైన్‌లను పక్కకు జరిపించినట్లు వివరించారుఎ. ఎల్బీనగర్‌లో ట్రాఫిక్‌ చిక్కులు లేకుండా భవిష్యత్‌లో సాఫీగా ప్రయాణం చేయడానికి పలు కీలకనిర్ణయాలు తీసకున్నట్లు పేర్కొన్నారు. కార్యక్రమంలో టౌన్‌ప్లానింగ్‌ ఏసీపీ శాంసన్‌, ప్రాజెక్ట్‌ డిప్యూటీ ఇంజినీర్‌ కార్తిక్‌, మణి హారిక, రమేష్‌బాబు, సాయికుమార్‌ తదితరులు పాల్గొన్నారు.