Sadar | యాదవుల ఐక్యతకు చిహ్నం సదర్ : తలసాని శ్రీనివాస్ యాదవ్

యాదవుల ఐక్యతకు చిహ్నం సదర్ అని మాజీమంత్రి, బీఆర్ఎస్ డిప్యూటీ ప్లోర్ లీడర్ తలసాని శ్రీనివాస్ యాదవ్ అన్నారు.

హైద‌రాబాద్ : యాదవుల ఐక్యతకు చిహ్నం సదర్ అని మాజీమంత్రి, బీఆర్ఎస్ డిప్యూటీ ప్లోర్ లీడర్ తలసాని శ్రీనివాస్ యాదవ్ అన్నారు. మంగ‌ళ‌వారం ఎన్టీఆర్‌ స్టేడియం వద్ద నిర్వహించిన సదర్ సమ్మేళనంలో పాల్గొని మాట్లాడారు. ఏడాది పొడవునా పాడిపరిశ్రమ పనులలో యాదవులు దీపావళి మరుసటి రోజు ఘనంగా సదర్ ను నిర్వహించుకోవడం ఆనవాయితీ అన్నారు.

ఒకప్పుడు హైదరాబాద్ నగరానికే పరిమితమైన సదర్ ను ఇప్పుడు రాష్ట్ర వ్యాప్తంగా జరుపుకోవడం సంతోషించదగ్గ విషయమ‌ని తెలిపారు. రామాయణం, మహాభారతం ఏ చరిత్ర చూసిన యాదవులు లేనిదే లేదు. కలియుగ ప్రత్యక్ష దైవం శ్రీ వెంకటేశ్వర స్వామి ఆలయాన్ని మొదటగా తెరిచేది యాదవుడే అని గుర్తు చేశారు. సంఖ్యా పరంగా ఎంతో బలమైన సామాజిక వర్గంగా ఉన్న యాదవులు అంతా ఐక్యంగా ఉండాల్సిన అవసరం ఉంద‌న్నారు.