TSRTC | ఇంటికే సీతారాముల తలంబ్రాలు.. టీఎస్‌ఆర్టీసీ శ్రీకారం

శ్రీరామ నవమి సందర్భంగా ప్రముఖ పుణ్యక్షేత్రం భద్రాచలంలో ఈనెల 17న శ్రీ సీతారామచంద్ర స్వామి కళ్యాణ మహోత్సవం వైభవంగా జరుగనున్నది.

TSRTC | సుల్తాన్‌బజార్‌, ఏప్రిల్‌ 3: శ్రీరామ నవమి సందర్భంగా ప్రముఖ పుణ్యక్షేత్రం భద్రాచలంలో ఈనెల 17న శ్రీ సీతారామచంద్ర స్వామి కళ్యాణ మహోత్సవం వైభవంగా జరుగనున్నది. ఈ క్రమంలో కళ్యాణ తలంబ్రాలను భక్తుల ఇంటికి చేర్చే కార్యక్రమాన్ని టీఎస్‌ఆర్టీసీ శ్రీకారం చుట్టినట్లు ఎంజీబీఎస్‌, లాజిస్టిక్‌ ఏటీఎం రవీందర్‌ బుధవారం ఓ ప్రకటనలో తెలిపారు. శ్రీ సీతారామచంద్ర స్వామి కళ్యాణ తలంబ్రాలు కావాలనుకునే భక్తులు 8125 451791,9154298733,7382837562 నంబర్లలో సంప్రదించి 151 రూపాయలతో బుకింగ్‌ చేసుకోవాలని సూచించారు. తలంబ్రాల కోసం ఆన్‌లైన్‌లో బుకింగ్‌ చేసుకోని వారు ఎంజీబీఎస్‌ బస్‌స్టేషన్‌లోని పార్సిల్‌ కార్యాలయం వద్ద బుకింగ్‌ చేసుకోవచ్చన్నారు.