T- Hub | టీ హబ్‌లో రెనాల్ట్‌ నిస్సాన్‌ ఒపెన్‌ ఇన్నోవేషన్‌ చాలెంజ్‌

T- Hub | అత్యాధునిక సాంకేతిక పరిజ్ఞానంతో అన్ని రంగాల్లో ఆవిష్కరణలను నిర్వహిస్తోంది టీహబ్‌(T- Hub).

సిటీబ్యూరో, ఏప్రిల్‌ 5 (నమస్తే తెలంగాణ): అత్యాధునిక సాంకేతిక పరిజ్ఞానంతో అన్ని రంగాల్లో ఆవిష్కరణలను నిర్వహిస్తోంది టీహబ్‌(T- Hub). తాజాగా ఆటో మొబైల్‌ రంగంలో సరికొత్త ఆవిష్కరణలను ప్రోత్సహించేందుకు ప్రముఖ ఆటోమొబైల్‌ సంస్థ రెనాల్ట్‌ నిస్సాన్‌తో కలిసి ఒపెన్‌ ఇన్నోవేషన్‌ చాలెంజ్‌ను(Renault Nissan Open Innovation Challenge) నిర్వహిస్తోంది. ప్రారంభ దశలో ఉన్న ఆటో మొబైల్‌ స్టార్టప్‌లతో పాటు కొత్తగా వాహనాల తయారీకి సంబంధించిన వినూత్న ఆలోచనలు ఉన్న వారు రెనాల్ట్‌ నిస్సాన్‌తో కలిసి ఒపెన్‌ ఇన్నోవేషన్‌ చాలెంజ్‌లో పాల్గొనవచ్చని టీ హబ్‌ నిర్వాహకులు తెలిపారు.

ఇటీవల కాలంలో కొత్తగా అభివృద్ధి చెందిన ఆర్టిఫిషియల్‌ ఇంటెలిజెన్స్‌తో ఆటోమోటివ్‌ సెక్టర్‌ను ఆవిష్కరణలను చేసేందుకు అవకాశాలు ఉన్నాయి. జనరేటివ్‌ ఏఐ పరిజ్ఞానంతో వెహికిల్‌ డిజైన్‌ డెవలప్‌మెంట్‌, అడ్వాన్స్‌డ్‌ డ్రైవర్‌ అసిస్టెంట్‌ సిస్టమ్స్‌, ప్రిడిక్టివ్‌ ఎనలిటిక్స్‌, కన్వర్జేషనల్‌ ఏఐ వంటి సాంకేతిక అంశాలతో ఆటో మొబైల్‌ రంగంలో ఆవిష్కరణలు చేసేందుకు టీ హబ్‌ ఆధ్వర్యంలో నిర్వహిస్తున్న ఒపెన్‌ ఇన్నోవేషన్‌ చాలెంజ్‌ దోహదం చేస్తుందని, మరిన్ని వివరాలకు ఈ లింకు వెబ్‌సైట్‌ లింకు ( https://bit.ly/3TlSTnn)లో సంప్రదించాలని నిర్వాహకులు సూచించారు.