Visit:
అల్వాల్,జూన్ 26: 17 ఏళ్ల మైనర్ బాలికను ప్రేమించమని వేధిస్తున్న యువకుడిపై పోక్సో కేసు నమోదు చేసిన ఘటన అల్వాల్ పోలీస్ స్టేషన్ పరిధిలో జరిగింది. శుక్రవారం ఓల్డ్ అల్వాల్ హెచ్ఎంటీ బతుకమ్మ పార్కులో నిందితుడు మహమ్మద్ అర్ఫోజ్ (28) తో కలసి ఉండడంతో బాలిక తల్లి గుర్తించి పోలీసులకు ఫిర్యాదు చేసింది.
సీఐ ప్రశాంత్ తెలిపిన కథనం ప్రకారం.. మూడేళ్ల క్రితం ఆన్లైన్లో పరిచయమైన నిందితుడు మహమ్మద్ అర్పోజ్ బాలికను మానసికంగా ప్రభావితం చేసి తల్లిదండ్రులకు దూరం చేసినట్లు బాధితురాలు ఇచ్చిన ఫిర్యాదుఆఓ పేర్కొంది. ఈ మేరకు పోక్సో చట్టం కింద కేసు నమోదు చేసి రిమాండ్కు తరలించామని సీఐ తెలిపారు. నిందితుడిపై కఠిన చర్యలు తీసుకుంటామని స్పష్టం చేశారు.
