Raj Bhavan School | రాజ్‌భవన్‌ స్కూల్‌లో జాతీయ నులి పురుగుల నిర్మూలనా మాత్రలు పంపిణీ

Raj Bhavan School | జాతీయ నులి పురుగుల నిర్మూలనా కార్యక్రమంలో(National deworming program) భాగంగా రాజ్‌భవన్‌ స్కూల్‌లో(Raj Bhavan School) 19 ఏండ్లలోపు బాలబాలికలకు నులిపురుగుల నిర్మూల మాత్రలు పంపిణీ చేశారు. ఈ కార్యక్రమానికి వైద్య, ఆరోగ్య శాఖ మంత్రి దామోదర రాజనరసింహ (Damodara Rajanarsimha) హాజరై ప్రారంభించారు.

హైదరాబాద్‌ : జాతీయ నులి పురుగుల నిర్మూలనా కార్యక్రమంలో(National deworming program) భాగంగా రాజ్‌భవన్‌ స్కూల్‌లో(Raj Bhavan School) 19 ఏండ్లలోపు బాలబాలికలకు నులిపురుగుల నిర్మూల మాత్రలు పంపిణీ చేశారు. ఈ కార్యక్రమానికి వైద్య, ఆరోగ్య శాఖ మంత్రి దామోదర రాజనరసింహ (Damodara Rajanarsimha) హాజరై ప్రారంభించారు. కేంద్ర,రాష్ట్ర ప్రభుత్వాలు సమష్టిగా ఈ నట్టల మందు పంపిణీ చేస్తున్నాయని తెలిపారు.

ఈ నెల 27 వరకు జరిగే ఈ కార్యక్రమంలో పాల్గొని పిల్లలందరూ మాత్రలు తీసుకోవాలని సూచించారు. రాష్ట్ర వ్యాప్తంగా అన్ని స్కూళ్లు, అంగన్​వాడీ కేంద్రాల్లో పంపిణీ జరుగుతుందని స్పష్టం చేశారు. వ్యక్తిగత పరిశుభ్రతో వ్యాధులు దరి చేరవని తెలిపారు. ఈ కార్యక్రమంలో బీసీ సంక్షేమ శాఖ మంత్రి పొన్నం ప్రభాకర్‌, హైదరాబాద్‌ కలెక్టర్‌ అనుదీప్‌ దురిశెట్టి, తదితరులు పాల్గొన్నారు.