MLA Talasani | మొక్కలు నాటడం బాధ్యతగా భావించాలి : ఎమ్మెల్యే తలసాని

MLA Talasani | ప్రతి ఒక్కరు మొక్కలు నాటడం బాధ్యతగా స్వీకరిస్తే భవిష్యత్‌ తరాలకు మెరుగైన పర్యావరణాన్ని అందించేందుకు వీలవుతుందని మాజీ మంత్రి , ఎమ్మెల్యే తలసాని శ్రీనివాస్‌ యాదవ్‌ (MLA Talasani )అన్నారు.

అమీర్‌పేట్‌, జూలై 18 : భూమి మీద పచ్చదనం కనుమరుగవుతున్న నేపథ్యంలో పర్యావరణ సమతుల్యం లోపిస్తున్నది. ఇలాంటి పరిస్థితుల్లో ప్రతి ఒక్కరు మొక్కలు నాటడం బాధ్యతగా స్వీకరిస్తే భవిష్యత్‌ తరాలకు మెరుగైన పర్యావరణాన్ని అందించేందుకు వీలవుతుందని మాజీ మంత్రి , ఎమ్మెల్యే తలసాని శ్రీనివాస్‌ యాదవ్‌ (MLA Talasani )అన్నారు. గురువారుం సనత్‌నగర్‌ డివిజన్‌ బీకేగూడ, రవీంద్రనగర్‌లోజరిగిన వన మహోత్సవంలో(Vanamahostav) కార్పొరేటర్‌ కొలను లక్ష్మిరెడ్డి, కాలనీ సంక్షేమ సంఘం అధ్యక్షులు విజయ్‌సింగ్‌లతో కలిసి పాల్గొని మొక్కలు నాటారు.

అనంతరం ఆయన మాట్లాడుతూ.. రవీంద్రనగర్‌ కాలనీ సమస్యల పరిష్కారానికి అధ్యక్షులు విజయ్‌సింగ్‌ సహా కాలనీ నివాసితులు చూపిన చొరవను ప్రత్యేకంగా అభినందించారు. అయితే గతంలో తాను మంజూరు చేసిన పనులను కాంగ్రెస్‌ ప్రభుత్వం నిధులేమి సాకు చూపుతూ పక్కన పెట్టడం దివాళాకోరు విధానామ న్నారు. ఈ కార్యక్రమంలో జీహెచ్‌ఎంసీ ఈఈ ఇందిర, డీఈ మోహన్‌, జలమండలి ఈఈ హరిశంకర్‌, బీఆర్‌ ఎస్‌ నాయకులు కొలను బాల్‌రెడ్డి, కరుణాకర్‌రెడ్డి, దాడి ప్రవీణ్‌రెడ్డి, పుట్టల శేఖర్‌, పుష్పలత, సనితగౌడ్‌ తదితరులు పాల్గొన్నారు.