బంజారాహిల్స్, అక్టోబర్ 24: పనిమనిషిపై లైంగికదాడికి పాల్పడిన ఘటనలో ఓ ప్రైవేట్ స్కూల్ మాజీ చైర్మన్ మురళీముకుంద్ను సీసీఎస్ పోలీసులు మంగళవారం అరెస్టు చేసి, రిమాండ్కు తరలించారు. మూడునెలల కిందట తన ఇంట్లో పనిచేస్తున్న యువతి(22)ని గదిలోకి పిలిచి లైంగికదాడికి పాల్పడ్డాడన్న ఆరోపణలతో బంజారాహిల్స్ పోలీసులు మురళీముకుంద్పై పలు సెక్షన్ల కింద కేసు నమోదు చేసిన సంగతి తెలిసిందే.
మురళీముకుంద్ తనపై లైంగికదాడి చేశాడని బాధితురాలు ఆయన కుమారుడు ఆకర్ష్కు చెప్పగా.. ఆమెపై దాడికి పాల్పడటంతో అతడిపై కూడా కేసు నమోదైంది. ఎన్నికల విధుల్లో బిజీ, కీలక అంశాలతో ముడిపడి ఉండటంతో ఈ కేసు దర్యాప్తును సీసీఎస్కు బదిలీ చేశారు. సీసీఎస్ పోలీసులు మంగళవారం మురళీముకుంద్ను అరెస్టు చేసి, న్యాయమూర్తి ఎదుట హాజరుపర్చారు. మురళీముకుంద్కు 14రోజుల రిమాండ్ విధించడంతో.. ఆయనను చంచల్గూడ జైలుకు తరలించారు. కాగా, ఈ కేసులో మరో నిందితుడిగా ఉన్న అతడి కుమారుడు ఆకర్ష్ కోసం పోలీసులు గాలిస్తున్నారు.