పీర్జాదిగూడ, ఆగస్టు 4: సెల్ఫోన్ పగులగొట్టాడని స్నేహితుడి గొంతుకోసి హతమార్చిన సంఘటనలో నిందితుడిని మేడిపల్లి పోలీసులు అరెస్టుచేసి రిమాండ్కు తరలించారు. పోలీసుల కథనం ప్రకారం… బల్కంపేట ఎస్ఆర్ నగర్లో నివాసముండే కుప్పాక శ్రీనివాసరావు స్థానికంగా ప్లెక్సీ ఫిట్టింగ్ పని చేస్తున్నాడు. కరీంనగర్కు చెందిన కొలిపాక శ్రీనివాస్ అలియాస్ వాసు (43) బోడుప్పల్ భీంరెడ్డినగర్ కాలనీలోని అరుణ్ యాడ్స్ షాపులో ప్లెక్సీ ఫిట్టింగ్ వర్క్ చేస్తుంటాడు.
వీరిద్దరు స్నేహితులు. తరచుగా ఇద్దరు కలిసి మద్య సేవించేవారు. ఈ క్రమంలో ఆగస్టు 1న రాత్రి 9 గంటల సమయంలో శ్రీనివాస్రావు వాసు వద్దకు వచ్చాడు. వీరిద్దరు రాత్రి పొద్దుపోయే వరకు మద్యం సేవించారు. మద్యమత్తులో ఇరువురి మధ్య మాటామాట పెరిగి గొడవకు దారితీసింది. ఈ క్రమంలో శ్రీనివాస్రావు వాసు సెల్ఫోన్ను పగులగొట్టాడు. అనంతరం సమీపంలో ఉన్న ఖాళీ ప్రదేశంలో మూత్రవిసర్జనకు వెళ్లగా వాసు వెనుకనుంచి వెళ్లి ప్లెక్సీలు కటింగ్ చేసే కత్తితో శ్రీనివాస్రావు గొంతుకోసి హతమార్చి పారిపోయాడు. మృతుడి కుటుంబ సభ్యుల ఫిర్యాదు మేరకు కేసు నమోదు చేసి నిందితుడు వాసును అరెస్టు చేసి రిమాండ్కు తరలించారు.