డీడీఎంఎస్‌లో వివిధ సర్టిఫికెట్‌ కోర్సులకు దరఖాస్తుల ఆహ్వానం

DDMS | ఉస్మానియా యూనివర్సిటీ క్యాంపస్‌లోని దుర్గాబాయ్‌ దేశ్‌ముఖ్‌ మహిళా సభ (డీడీఎంఎస్‌) లిటరసీ హౌజ్‌లో వివిధ సర్టిఫికెట్‌ కోర్సులకు దరఖాస్తులను ఆహ్వానిస్తున్నట్లు అధికారులు ఒక ప్రకటనలో తెలిపారు.

ఉస్మానియా యూనివర్సిటీ : ఉస్మానియా యూనివర్సిటీ క్యాంపస్‌లోని దుర్గాబాయ్‌ దేశ్‌ముఖ్‌ మహిళా సభ (డీడీఎంఎస్‌) లిటరసీ హౌజ్‌లో వివిధ సర్టిఫికెట్‌ కోర్సులకు దరఖాస్తులను ఆహ్వానిస్తున్నట్లు అధికారులు ఒక ప్రకటనలో తెలిపారు.

రాష్ట్ర ప్రభుత్వ సర్టిఫికెట్‌ కోర్సులైన బ్యూటీషియన్‌, ఎంఎస్‌ ఆఫీస్‌ – ఇంటర్నెట్‌ (ఆఫీస్‌ ఆటోమేషన్‌), ట్యాలీ – ఈఆర్‌పీ 9, యోగా, హ్యాండ్‌ ఎంబ్రాయిడరీ, జూట్‌ బ్యాగ్‌ మేకింగ్‌, హేర్‌ ైస్టెలిస్ట్‌, ఇతర కోర్సులైన టైలరింగ్‌, ఫ్యాబ్రిక్‌ పెయింటింగ్‌, మగ్గం వర్క్‌, గ్రాఫిక్స్‌ డిజైనింగ్‌, వాయిస్‌ ఓవర్‌, మీడియా రైటింగ్‌ ఇన్‌ తెలుగు తదితర కోర్సులను అందిస్తున్నట్లు చెప్పారు.

ఈ కోర్సులలో చేరేందుకు ఆసక్తి ఉన్న వారు ఈ నెల 30వ తేదీ లోగా దరఖాస్తు చేసుకోవాలని సూచించారు. ఈ కోర్సులు విద్యార్థులు, నిరుద్యోగ యువత, గృహిణిలకు ఉపయుక్తంగా ఉంటుందన్నారు. సీట్లు పరిమితమని, ముందు వచ్చిన వారికి ప్రథమ ప్రాతిపదికన సీట్లు కేటాయిస్తామన్నారు. ఇతర వివరాలకు 8498080599, 9951210441, 040-27098406 నెంబర్లలో సంప్రదించాలని సూచించారు.