సిటీబ్యూరో, అగస్టు 21(నమస్తే తెలంగాణ): అతి ఉత్కృష్ట, ఉత్కృష్ట సేవా పతకాలను పొందిన 27 మంది హోంగార్డులను శనివారం సీపీ అంజనీకుమార్ అభినందించారు. హైదరాబాద్ పోలీస్ కమిషనరేట్ పరిధిలో హోంగార్డు సిబ్బంది సేవలు, సహకారంతో శాంతి భద్రతలను సమర్థవంతంగా, పటిష్టంగా నిర్వహిస్తున్నామని సీపీ చెప్పారు. సుమారు 1106 హోంగార్డులు కొవిడ్ బారిన పడి కోలుకున్నారన్నారు. హూస్సేన్సాగర్ లేక్ వద్ద ఏటా ఆత్మహత్యకు ప్రయత్నిస్తున్న సుమారు 100 మందిని హోంగార్డులు కాపాడుతున్నట్లు చెప్పారు. కార్యక్రమంలో హోంగార్డు కమాండెంట్ మూర్తి, హోంగార్డ్ ఏసీపీ నాగసాయి, హోంగార్డు అడ్మిన్ ఇన్స్పెక్టర్ విజయ్భాస్కర్రెడ్డి, ఆర్ఐలు నాగారాజు, శ్రీకాంత్ పాల్గొన్నారు.