Visit:
సిటీబ్యూరో, నవంబర్‌ 30(నమస్తే తెలంగాణ): హైదరాబాద్‌, సైబరాబాద్‌ కమిషనరేట్ల ట్రాఫిక్‌ పోలీసులు తమ పరిధిలో రెండురోజుల పాటు చేపట్టిన స్పెషల్‌ డ్రంక్‌ అండ్‌ డ్రైవ్‌లో 983 మందిపై కేసులు నమోదు చేశారు. హైదరాబాద్‌ కమిషరేట్‌ పరిధిలో 28,29తేదీల్లో చేపట్టిన డ్రైవ్‌లో మొత్తం 552 మందిని అరెస్ట్‌ చేసినట్లు పోలీసులు తెలిపారు. ఇందులో 438 మంది ద్విచక్ర వాహనదారులు , 45 మంది త్రీ వీలర్స్‌, 69 మంది ఫోర్‌ వీలర్స్‌ ఉన్నారని పేర్కొన్నారు.
మరోవైపు సైబరాబాద్‌ పోలీసు కమిషనరేట్‌ పరిధిలో వీకెండ్‌ స్పెషల్‌ డ్రంక్‌ అండ్‌ డ్రైవ్‌లో పోలీసులు తనిఖీలు చేపట్టారు. 431 మందిని అదుపులోకి తీసుకొని కేసులు నమోదు చేశారు. 325 మంది ద్విచక్ర వాహనదారులు, 16 ఆటోలు, 86 కార్లు, 4 బైక్‌ వాహనదారులపై కేసులు నమోదైనట్లు వారు పేర్కొన్నారు. సైబరాబాద్‌లో గత వారం తనిఖీల్లో పట్టుబడ్డ 320 కేసులను కోర్టులు పరిష్కరించాయని, కోర్టు 264 మందికి జరిమానా,35 మందికి జరిమానాతో పాటు సోషల్‌సర్వీస్‌, 21 మందికి జరిమానా, జైలుశిక్ష విధించారని పోలీసులు తెలిపారు.
