Car Fire | అందరూ చూస్తుండగానే ఓఆర్‌ఆర్‌పై కారు దగ్ధం.. ఇంతకీ ఆ కారు ఎవరిదంటే..?

Car Fire | స్కార్పియో కారు దేవతల గుట్ట వద్దకు రాగానే ముందు భాగంలో ఒక్కసారిగా పొగలు వచ్చాయి. దీంతో అప్రమత్తమైన డ్రైవర్ వెంటనే కారును పక్కకు ఆపేశాడు. ఈలోపే కారులో పెద్ద ఎత్తున మంటలు వ్యాపించాయి. అందరూ చూస్తుండగానే కారు అగ్నికి ఆహుతైంది.

June 6, 2026 / 08:40 PM IST

Car Fire | అందరూ చూస్తుండగానే ఓఆర్‌ఆర్‌పై కారు దగ్ధం.. ఇంతకీ ఆ కారు ఎవరిదంటే..?

Car Fire | బొల్లారం, జూన్ 6 : బొల్లారం పోలీస్ స్టేషన్ పరిధిలోని ఔటర్ రింగ్ రోడ్డుపై ఓ కారు అగ్నికి ఆహుతైంది. సీఐ రవీందర్ రెడ్డి తెలిపిన వివరాల ప్రకారం.. శనివారం మధ్యాహ్నం బొల్లారం ఔటర్ రింగ్ రోడ్డుపై నుంచి ప్రయాణిస్తుండగా దేవతల గుట్ట వద్దకు రాగానే స్కార్పియో కారు ముందు భాగంలో ఒక్కసారిగా పొగలు వచ్చాయి. దీంతో అప్రమత్తమైన డ్రైవర్ వెంటనే కారును పక్కకు ఆపేశాడు. ఈలోపే కారులో పెద్ద ఎత్తున మంటలు వ్యాపించాయి. అందరూ చూస్తుండగానే కారు అగ్నికి ఆహుతైంది.

వెంటనే స్థానికులు పోలీసులకు సమాచారం అందించారు. స్థానికంగా ఉన్న ఓ వాటర్‌ ట్యాంకర్‌తో చేరుకొని మంటలను అదుపు చేసే ప్రయత్నం చేశారు. ఈలోగా అగ్నిమాపక సిబ్బంది అక్కడకు చేరుకొని మంటలను పూర్తిగా ఆర్పి వేశారు. పోలీసులు ప్రమాదానికి గురైన కారు గడ్డపోతారం మున్సిపల్ వైస్ చైర్మన్ మహేందర్ గౌడ్‌కు సంబంధించినదిగా గుర్తించారు.

మేడ్చల్ నుంచి పటాన్ చెరు వైపుగా వెళ్తుండగా కారు ప్రమాదానికి గురైంది. ఆ సమయంలో వాహనంలో డ్రైవర్ తప్ప ఎవరూ లేకపోవడంతో పెను ప్రమాదం తప్పింది. కారు ఏసీలో తలెత్తిన రిపేర్ కారణంగానే ప్రమాదం జరిగి ఉండవచ్చని పోలీసుల ప్రాథమిక విచారణలో తేలింది. ఘటనపై సిఐ రవీందర్ రెడ్డి కేసు నమోదు చేసి దర్యాప్తు చేపట్టారు.

Car Fire1