DGP Jitender | సాంకేతిక వనరులను ఉపయోగిస్తూ ఉత్తమ సేవలు అందించాలి : డీజీపీ జితేందర్‌

DGP Jitender | సాంకేతిక వనరులను ఉపయోగిస్తూ, విజుబులిటీ పోలీసింగ్‌తో ప్రజలతో మమేకమవుతూ ఉత్తమ సేవలు అందించాలని హైదరాబాద్‌ పోలీసులకు డీజీపీ జితేందర్‌ సూచించారు.

హైదరాబాద్‌ : సాంకేతిక వనరులను (Technological resources) ఉపయోగిస్తూ, విజుబులిటీ పోలీసింగ్‌తో ప్రజలతో మమేకమవుతూ ఉత్తమ సేవలు అందించాలని హైదరాబాద్‌ పోలీసులకు డీజీపీ జితేందర్‌ (DGP Jitender ) సూచించారు. బంజారాహిల్స్‌లోని కమాండ్‌ అండ్‌ కంట్రోల్‌ సెంటర్‌ ఆడిటోరియంలో నగర పోలీస్‌ కమిషనర్‌ కొత్తకోట శ్రీనివాస్‌రెడ్డి నేతృత్వంలో జరిగిన ఈ సమావేశానికి డీజీపీ హాజరయ్యారు.

ఈ సందర్భంగా ఆయన మాట్లాడుతూ పండుగలు(Festivals) , వివిధ కార్యక్రమాలలో పటిష్టమైన బందోబస్తును ఏర్పాటు చేస్తూ, నేర పరిశోధన నివారణ, రౌడీషీటర్ల(Rowdy Sheeters) నియంత్రణ తదితర అంశాలలో మెరుగైన ఫలితాలు రాబడుతున్నారని అభినందించారు. ప్రపంచ వ్యాప్తంగా పోలీసింగ్‌(Policing) లో మార్పు వచ్చిందని, స్థానిక అవసరాలకు అనుగుణంగా ఉత్తమ పద్దతులను గ్రహిస్తూ ప్రత్యేకతను కల్గి ఉండాలన్నారు.

హైదరాబాద్‌ గ్లోబల్‌, కాస్మో పాలిటన్‌ నగర మానవ వనరులు, టెక్నాలజీ, భారీగా పెట్టుబడులతో ఆర్ధిక వ్యవస్థ వేగంగా అభివృద్ది జరగడం, అత్యంత నివాస యోగ్యమైన నగరంగా గుర్తింపు తెచ్చుకుందన్నారు. తెలంగాణ ఏర్పడిన తరువాత నగదు రహిత ట్రాఫిక్‌ చలాన్‌ విధానాన్ని అమలులోకి తెచ్చిన సందర్భంగా ఎదురైన సవాళ్లను ఆయన ప్రస్తావించారు. ప్రజలతో మాట్లాడడం, సున్నితమైన విషయంలో మాట్లాడే సమయంలో ఎవరికి ఇబ్బంది లేకుండా మాట్లాడాలని సూచించారు.

ఫిర్యాదు దారులను తిప్పి పంపకూడదని వారి సమస్యను తెలుసుకోవాలని సూచించారు. విజుబులిటీ పోలీసింగ్‌కు అత్యంత ప్రాధాన్యత ఇవ్వాలని సూచించారు. ట్రాఫిక్‌ క్రమబద్దీకరణ, ఎన్‌ఫోర్స్‌మెంట్‌, సిగ్నల్స్‌ వినియోగం సాంకేతిక అంశాలపై దృష్టి పెట్టాలని వెల్లడించారు. ఈ కార్యక్రమంలో అనపు సీపీలు విక్రమ్‌ సింగ్‌ మాన్‌, విశ్వప్రసాద్‌, జాయింట్‌ సీపీ పరిమళ హననూతన్‌తో పాటు డీసీపీలు, ఏసీపీలు పాల్గొన్నారు.