Assailant | మలక్‌పేట్‌లో మ‌హిళల‌ రూంలోకి ప్ర‌వేశించిన ఆగంతకుడు

Assailant | హేమ‌ల‌త ఐదుగురు మహిళలతో కలిసి గత కొద్దిరోజులుగా ఒక గదిని అద్దెకు తీసుకొని గ్రూప్స్ పరీక్షలకు సిద్ధమవుతున్నారు. అయితే గుర్తుతెలియని వ్యక్తి ఆమె గదిలోకి ప్రవేశించి హ‌ల్ చ‌ల్ చేశాడు.

Assailant | మలక్‌పేట్ పోలీస్ స్టేషన్ పరిధిలో ఆగంత‌కుడు హ‌ల్ చ‌ల్ చేశాడు. సూర్యాపేటకు చెందిన హేమ‌ల‌త (28) మ‌ల‌క్‌పేట్‌లోని గడ్డి అన్నారం ప్రాంతంలో మరో ఐదుగురు మహిళలతో కలిసి గత కొద్దిరోజులుగా ఒక గదిని అద్దెకు తీసుకొని ఉంటోంది. వీరంతా గ్రూప్స్ పరీక్షలకు సిద్ధమవుతున్నారు.

అయితే మంగ‌ళ‌వారం గుర్తుతెలియని వ్యక్తి ఆమె గదిలోకి ప్రవేశించి కూరగాయలు కోసే కత్తితో హేమలత కడుపులో పొడిచి, ఆమె సెల్‌ఫోన్‌ను తీసుకొని అక్కడి నుంచి పరారయ్యాడు. ఈ ఘటనను గమనించిన పక్క గదిలోని స్నేహితులు వెంటనే 100కు డయల్ చేశారు. దీంతో వెంట‌నే పోలీసులు సంఘటనా స్థలానికి చేరుకొని బాధితురాలిని చికిత్స నిమిత్తం యశోద ఆసుపత్రికి తరలించారు.

ప్రస్తుతం బాధితురాలికి ఎలాంటి ప్రాణ‌పాయం లేన‌ట్టు స‌మాచారం. కాగా ఇంత‌కీ ఆ వ్య‌క్తి ఎవ‌రు..? ఈ దాడికి గ‌ల కార‌ణాలేంట‌నే దానిపై పోలీసులు ద‌ర్యాప్తు కొన‌సాగిస్తున్నారు.

Read Also :

Sigma | ఓటీటీలోకి విజయ్ కొడుకు తొలి సినిమా.. సందీప్ కిషన్ ‘సిగ్మా’ స్ట్రీమింగ్ ఎప్పుడంటే?

India-A Vs New Zealand-A: డ్రాగా ముగిసిన ఇండియా-ఏ, న్యూజిలాండ్‌-ఏ మ్యాచ్‌

Karimnagar | ఎల్‌నీనో ఎఫెక్ట్‌.. ఎండుతున్న పంటలు.. కరువు కోరల్లో కరీంనగర్‌