గ్రేటర్‌లో 8 ప్యూజ్‌ ఆఫ్‌ కాల్‌ సెంటర్స్‌

నిరంతర విద్యుత్‌ సరఫరా చేసేందుకు దక్షిణ తెలంగాణ విద్యుత్‌ పంపిణీ సంస్థ చర్యలు చేపట్టింది.

సిటీబ్యూరో,జూలై 26 (నమస్తే తెలంగాణ): నిరంతర విద్యుత్‌ సరఫరా చేసేందుకు దక్షిణ తెలంగాణ విద్యుత్‌ పంపిణీ సంస్థ చర్యలు చేపట్టింది. కొత్తగా ఏర్పాటు చేసిన సెక్షన్‌ కార్యాలయాల పరిధిలో విద్యుత్‌ సరఫరాలో అంతరాయాలు,అత్యవసర మరమ్మతులు నిర్వహించేలా ప్యూజ్‌ ఆఫ్‌ కాల్‌ సెంటర్స్‌ను కొత్తగా ఏర్పాటు చేస్తూ సీఎండీ ముషారఫ్‌ ఫరూఖీ ఆదేశాలు చేశారు.

గ్రేటర్‌ పరిధిలో ఉన్న 10 సర్కిల్‌ కార్యాలయాల పరిధిలో ఇప్పటికే 205 ప్యూజ్‌ ఆఫ్‌ కాల్‌ సెంటర్స్‌ (ఎఫ్‌ఓసీ) ఉండగా, కొత్తగా మరో 8 ఎఫ్‌ఓసీలను ఏర్పాటు చేస్తున్నట్లు ప్రకటించారు. త్వరలో కొత్తగా ఏర్పాటు చేసిన ప్యూజ్‌ ఆఫ్‌ కాల్‌ సెంటర్స్‌ సేవలందిస్తాయని అధికారులు తెలిపారు.

సర్కిల్‌ : ప్యూజ్‌ ఆఫ్‌ కాల్‌ సెంటర్స్‌
సికింద్రాబాద్‌ : బైబిల్‌ హౌజ్‌, పార్సిగుట్ట
హైదరాబాద్‌ : కవాడీగూడ,రాంనగర్‌,
సెంట్రల్‌ : బర్కత్‌పుర, విద్యానగర్‌
మేడ్చల్‌ : నిజాంపేట
సంగారెడ్డి అమీన్‌పూర్‌