బియ్యం వ్యాపారులపై క్రిమినల్‌ కేసులు

బియ్యాన్ని అధిక ధరలకు విక్రయించిన 15 మంది వ్యాపారులపై క్రిమినల్‌ కేసులు నమోదైనట్లు అధికారులు వెల్లడించారు. తాము సూచించిన ధరలకు కాకుండా అత్యధిక రేట్ల విక్రయాలతో పాటు ధరల పట్టిక బ్యానర్‌ ఏర్పాటు చేయని వ్యాపారులపై కేసులు నమోదయ్యాయని తెలిపారు. కిరాణా దుకాణాలు, సూపర్‌ మార్కెట్‌లలో తెలంగాణ బీపీటీ కిలో బియ్యం రూ. 66, తెలంగాణ సోనా బియ్యం కిలో రూ. 74, తెలంగాణ శ్రీరామగోల్డ్‌ బియ్యం కిలో రూ.

మేడ్చల్‌, నవంబర్‌7(నమస్తే తెలంగాణ): బియ్యాన్ని అధిక ధరలకు విక్రయించిన 15 మంది వ్యాపారులపై క్రిమినల్‌ కేసులు నమోదైనట్లు అధికారులు వెల్లడించారు. తాము సూచించిన ధరలకు కాకుండా అత్యధిక రేట్ల విక్రయాలతో పాటు ధరల పట్టిక బ్యానర్‌ ఏర్పాటు చేయని వ్యాపారులపై కేసులు నమోదయ్యాయని తెలిపారు. కిరాణా దుకాణాలు, సూపర్‌ మార్కెట్‌లలో తెలంగాణ బీపీటీ కిలో బియ్యం రూ. 66, తెలంగాణ సోనా బియ్యం కిలో రూ. 74, తెలంగాణ శ్రీరామగోల్డ్‌ బియ్యం కిలో రూ.

79 లకు నిర్ణయించారు. అయితే మూడు రకాల బియ్యానికి సంబంధించి పౌరసరఫరా శాఖ నేతృత్వంలో జిల్లా వ్యాప్తంగా ఆరు ప్రత్యేక రైస్‌ కౌంటర్లను ఏర్పాటు చేశారు. జిల్లా కలెక్టర్‌ కార్యాలయం, సాయిరైస్‌ డిపో అలంకృత రిసార్ట్స్‌ ఎదురుగా తూంకుంట, ఎస్‌ఎల్‌ఎన్‌ఎస్‌ రైస్‌ డిపో విజిటబుల్‌ మార్కెట్‌ ఉప్పల్‌, శ్రీ సిద్దేశ్వర ట్రేడర్స్‌ వినాయక్‌నగర్‌, గణేశ్‌ ట్రేడర్స్‌ చర్లపల్లి , శ్వామల ఎంటర్‌ప్రైజేస్‌ రైతుబజారు జేఎన్‌టీయూ కూకట్‌పల్లిలో కౌంటర్లు ఏర్పాటు చేసినట్లు అధికారులు పేర్కొన్నారు. బియ్యం అధిక ధరలకు విక్రయించే దుకాణాల వివరాలను తెలిపితే సదరు వ్యాపారులపై చర్యలు తీసుకుంటామని అధికారులు స్పష్టం చేశారు.