Car Showroom | సెకండ్‌ హ్యాండ్‌ కార్‌ షోరూంలో అగ్నిప్రమాదం.. 24 కార్లు దగ్ధం

యూసఫ్‌గూడలో (Yusufguda) భారీ అగ్నిప్రమాదం జరిగింది. యూసఫ్‌గూడలోని గణపతి కాంప్లెక్స్‌లో సెకండ్‌ హ్యాండ్‌ కార్లు విక్రయించే ‘నాని కార్స్‌’లో మంగళవారం తెల్లవారుజామున ఒక్కసారిగా మంటలు అంటుకున్నాయి.

హైదరాబాద్‌: నగరంలోని యూసఫ్‌గూడలో (Yusufguda) భారీ అగ్నిప్రమాదం జరిగింది. యూసఫ్‌గూడలోని గణపతి కాంప్లెక్స్‌లో సెకండ్‌ హ్యాండ్‌ కార్లు విక్రయించే ‘నాని కార్స్‌’లో మంగళవారం తెల్లవారుజామున ఒక్కసారిగా మంటలు అంటుకున్నాయి. క్రమంగా షోరూం (Car Showroom) మొత్తానికి వ్యాపించడంతో అందులో ఉన్న కార్లు అగ్నికి ఆహుతయ్యాయి.

సమాచారం అందుకున్న పోలీసులు, అగ్నిమాపక సిబ్బంది ఘటనా స్థలానికి చేరుకుని మంటలను అదుపులోకి తీసుకొచ్చారు. ప్రమాదానికి షార్ట్‌ సర్క్యూట్‌ కారణమని భావిస్తున్నారు. కాగా, అగ్నిప్రమాదంలో 24 కార్లు దగ్ధమయ్యాయని అధికారులు తెలిపారు. ఈ ఘటనపై కేసు నమోదుచేసిన పోలీసులు దర్యాప్తు చేస్తున్నారు.