Heart Diseases | గుండె జ‌బ్బుల‌కు ఇవే ప్ర‌ధాన కార‌ణాలు.. వీటి నుంచి త‌ప్ప‌నిస‌రిగా బ‌య‌ట ప‌డాల్సిందే..

నిద్ర‌లేమితో బాధ‌ప‌డే వారి సంఖ్య రోజురోజుకూ పెరుగుతుంద‌ని చెప్ప‌వ‌చ్చు. నిద్ర‌లేమి కార‌ణంగా అనేక అనారోగ్య స‌మ‌స్య‌ల‌ను కూడా ఎదుర్కోవాల్సి వ‌స్తుంది. నిద్ర‌లేమి, అబ్ స్ట్ర‌క్టివ్ స్లీప్ అప్నియా వంటి రెండు స‌మ‌స్య‌ల‌తో బాధ‌ప‌డుతున్న వారిలో అధిక ర‌క్త‌పోటుతో పాటు గుండె సంబంధిత స‌మ‌స్య‌లు వ‌చ్చే అవ‌కాశం ఎక్కువ‌గా ఉంటుంద‌ని నిపుణులు ప‌రిశోధ‌న‌ల ద్వారా క‌నుగొన్నారు.

Heart Diseases | నిద్ర‌లేమితో బాధ‌ప‌డే వారి సంఖ్య రోజురోజుకూ పెరుగుతుంద‌ని చెప్ప‌వ‌చ్చు. నిద్ర‌లేమి కార‌ణంగా అనేక అనారోగ్య స‌మ‌స్య‌ల‌ను కూడా ఎదుర్కోవాల్సి వ‌స్తుంది. నిద్ర‌లేమి, అబ్ స్ట్ర‌క్టివ్ స్లీప్ అప్నియా వంటి రెండు స‌మ‌స్య‌ల‌తో బాధ‌ప‌డుతున్న వారిలో అధిక ర‌క్త‌పోటుతో పాటు గుండె సంబంధిత స‌మ‌స్య‌లు వ‌చ్చే అవ‌కాశం ఎక్కువ‌గా ఉంటుంద‌ని నిపుణులు ప‌రిశోధ‌న‌ల ద్వారా క‌నుగొన్నారు. దాదాపు ప్ర‌పంచ వ్యాప్తంగా 32 శాతం మ‌ర‌ణాలు నిద్ర‌లేమి కార‌ణంగా వ‌చ్చే గుండెపోటు, స్ట్రోక్ ల కార‌ణంగానే జ‌రుగుతున్నాయ‌ని ప‌రిశోధ‌న‌లు వెల్ల‌డిస్తున్నాయి. నిద్రలేమి , అబ్‌స్ట్రక్టివ్ స్లీప్ అప్నియా, కోమోర్బిడ్ నిద్ర‌లేమి వంటి స‌మ‌స్య‌ల‌తో బాధ‌ప‌డే వారిలో గుండె జ‌బ్బులు వ‌చ్చే అవ‌కాశం మరింత ఎక్కువ‌గా ఉంటుంద‌ని నిపుణులు చెబుతున్నారు.

నిద్ర‌ను కూడా ప‌రిగ‌ణ‌న‌లోకి తీసుకోవాలి..

సాధార‌ణంగా ఈ రెండు స‌మ‌స్య‌ల‌ను వేర్వేరుగా గుర్తించి చికిత్స చేస్తారు. కానీ చాలా మందికి ఇవి రెండు ఒకేసారి ఉంటున్నాయని ఇవి రెండు క‌లిసి ఆరోగ్యంపై తీవ్ర ప్ర‌భావాన్ని చూపిస్తున్నాయని నిపుణులు తెలియ‌జేస్తున్నారు. నిద్రించే స‌మ‌యంలో గుండె, ర‌క్త‌నాళాలు పున‌రుద్ద‌ర‌ణ అవుతాయి. కానీ స‌రిగ్గా నిద్ర‌పోక‌పోవ‌డం వ‌ల్ల గుండెకు స‌రైన విశ్రాంతి దొర‌క‌దు. ర‌క్త‌నాళాల ప‌నితీరు దెబ్బ‌తింటుంది. గుండె జ‌బ్బుల ప్ర‌మాదం పెరుగుతుందని నిపుణులు చెబుతున్నారు. ఇత‌ర హృద‌య సంబంధ ప్ర‌మాద కార‌కాల మాదిరిగానే నిద్ర‌ను కూడా ప‌రిగ‌ణ‌న‌లోకి తీసుకోవాల‌ని నిద్రలేమి, స్లీప్ అప్నియాను విడిగా కాకుండా క‌లిపి అంచ‌నా వేయాల‌ని చెబుతున్నారు. నిద్రలేమి వంటి స‌మ‌స్య‌ల‌ను ముందుగానే గుర్తించి త‌గిన చికిత్స తీసుకోవాల‌ని దీని ద్వారా హృద‌య సంబంధ వ్యాధుల బారిన ప‌డ‌కుండా మ‌న‌ల్ని మ‌నం కాపాడుకోవ‌చ్చ‌ని సూచిస్తున్నారు. అలాగే వారు గుండె ఆరోగ్యాన్ని కాపాడుకునేందుకు కొన్ని సూచ‌న‌లు కూడా చేస్తున్నారు. గుండె ఆరోగ్యాన్ని కాపాడే కొన్ని చిట్కాల గురించి ఇప్పుడు తెలుసుకుందాం.

పండ్లు, కూర‌గాయ‌లు అవ‌స‌రం..

గుండె ఆరోగ్యానికి మేలు చేసే ఆహారాల‌ను తీసుకోవాలి. పండ్లు, కూర‌గాయ‌లు, తృణ ధాన్యాలు, గింజ‌లు వంటి సంపూర్ణ ఆహారాన్ని తీసుకోవాలి. ఉప్పు, ప్రాసెస్ చేసిన ఆహారాలు, ట్రాన్స్ ఫ్యాట్స్, చ‌క్కెర‌లు ఉన్న ఆహారాన్ని తీసుకోవ‌డం త‌గ్గించాలి. అలాగే రోజూ వ్యాయామం చేయాలి. న‌డ‌క‌, సైక్లింగ్, ఈత‌, యోగా వంటి వ్యాయామాలు చేయాలి. ఇవి ర‌క్త‌పోటును త‌గ్గించ‌డంతోపాటు గుండె ఆరోగ్యాన్ని మెరుగుప‌రుస్తాయి. ధూమ‌పానాన్ని మానేయాలి. ధూమ‌పానం ర‌క్త‌నాళాల ఆరోగ్యాన్ని దెబ్బ‌తీస్తుంది. గుండె కొట్టుకునే వేగాన్ని పెంచుతుంది. ఆక్సిజ‌న్ స్థాయిలు త‌గ్గేలా చేస్తుంది. క‌నుక ధూమ‌పానానికి దూరంగా ఉండాలి.

ఈ ప‌రీక్ష‌ల‌ను త‌ర‌చూ చేయించుకోవాలి..

త‌ర‌చూ లిపిడ్ ప్రొఫైల్, రక్త‌పోటు, ఈసీజీ వంటి ప‌రీక్ష‌లు చేయించుకుంటూ ఉండాలి. వీటి ద్వారా స‌మ‌స్య‌ను ముందుగానే గుర్తించి త‌గిన చికిత్స తీసుకోవ‌డానికి వీలుగా ఉంటుంది. అలాగే రోజూ రాత్రి 7 నుండి 8 గంట‌ల పాటు నిద్ర‌పోవాలి. దీని వ‌ల్ల ఒత్తిడి త‌గ్గ‌డంతో పాటు గుండె ఆరోగ్యం కూడా మెరుగుపడుతుంది. మ‌ద్యం ర‌క్త‌పోటును పెంచుతుంది. క‌నుక మ‌ద్యాన్ని తీసుకోవ‌డం ప‌రిమితం చేయాలి. దీని వ‌ల్ల గుండెపై ఒత్తిడి త‌గ్గుతుంది. ఈ విధంగా రోజూ 7 నుండి 8 గంట‌ల పాటు నిద్ర‌పోవ‌డంతో పాటు ఆహారంలో, జీవ‌న‌శైలిలో త‌గిన మార్పులు చేసుకోవ‌డం వ‌ల్ల గుండె ఆరోగ్యాన్ని కాపాడుకోవ‌చ్చ‌ని నిపుణులు తెలియ‌జేస్తున్నారు.