Pregnancy | మొదటి డెలివరీ సిజేరియన్‌ అయితే.. రెండోది నార్మల్‌ అవ్వదా?

Pregnancy | డాక్టర్‌ గారూ నమస్తే. నాకు మొదటి డెలివరీ కష్టమైంది. దీంతో సిజేరియన్‌ చేశారు. రెండేండ్ల తర్వాత మళ్లీ గర్భం ధరించాను. మొదటి ప్రసూతి సిజేరియన్‌ అయితే, రెండోది కూడా అవుతుందని అంటున్నారు. నిజమేనా?

Pregnancy |  డాక్టర్‌ గారూ నమస్తే. నాకు మొదటి డెలివరీ కష్టమైంది. దీంతో సిజేరియన్‌ చేశారు. రెండేండ్ల తర్వాత మళ్లీ గర్భం ధరించాను. మొదటి ప్రసూతి సిజేరియన్‌ అయితే, రెండోది కూడా అవుతుందని అంటున్నారు. నిజమేనా?

-ఓ పాఠకురాలు

అమ్మా! మిమ్మల్ని ఎవరో తప్పుదోవ పట్టిస్తున్నారు. మొదటి కాన్పు సిజేరియన్‌ అయినంత మాత్రాన, రెండోది కూడా కావాలనే నియమం లేదు. మొదటి డెలివరీ సిజేరియన్‌ అయినవారిలో మూడోవంతు మందిలో రెండో డెలివరీ సాధారణంగా అయ్యే అవకాశం ఉంది. మొదటి డెలివరీ సమయంలో ఎందుకు సిజేరియన్‌ చేశారన్నదీ ముఖ్యమే. ఆ కారణాన్ని బట్టే రెండోసారి అవసరమా, కాదా అనేది నిర్ధారిస్తారు. తల్లి పెల్విక్‌ పరిమాణం, బిడ్డ బరువు తదితర అంశాలు కీలక పాత్ర పోషిస్తాయి. కాబట్టి, అనవసరమైన ఆలోచనలతో ఇబ్బంది పడకుండా.. ప్రశాంతంగా ఉండండి, మంచి పోషకాలున్న ఆహారం తీసుకోండి.

డాక్టర్‌ ఉషారాణి, సూపరింటెండెంట్‌
నిలోఫర్‌ పిల్లల దవాఖాన, హైదరాబాద్‌