Pizza Cold Drink Combo | ఈ ఫుడ్ కాంబినేష‌న్‌తో ఆరోగ్యానికి పెను ముప్పు

Pizza Cold Drink Combo | భోజ‌నం అనంత‌రం కూల్ డ్రింక్ తీసుకుంటే అరుగుద‌లకు మంచిద‌ని చాలా మంది భావిస్తుంటారు. అయితే ఇది అందుకు విరుద్ధంగా ప‌నిచేస్తుంద‌ని నిపుణులు చెబుతున్నారు.

Pizza Cold Drink Combo | భోజ‌నం అనంత‌రం కూల్ డ్రింక్ తీసుకుంటే అరుగుద‌లకు మంచిద‌ని చాలా మంది భావిస్తుంటారు. అయితే ఇది అందుకు విరుద్ధంగా ప‌నిచేస్తుంద‌ని నిపుణులు చెబుతున్నారు. షుగ‌ర్‌తో కూడిన కార్బోనేటెడ్ పానీయాలతో గ్యాస్ మ‌రింత పేరుకుపోతుంద‌ని క‌డుపుబ్బ‌రం, వికారం పెంచుతుంద‌ని న్యూట్రిష‌నిస్ట్ నూపుర్ పాటిల్ చెబుతున్నారు.

ఇక షుగ‌ర్‌తో నిండిన సోడాతో పిజ్జా కాంబినేష‌న్ దీర్ఘ‌కాలంలో ఆరోగ్యానికి చేటు చేస్తుంద‌ని హెచ్చ‌రించారు. పిజ్జా, కూల్ డ్రింక్స్ కాంబినేష‌న్‌లో అధిక క్యాల‌రీలతో బ‌రువు పెరిగే ప్ర‌మాదం పొంచిఉంది. ఇక పిజ్జాల్లో రిఫైన్డ్ కార్బోహైడ్రేట్లు, సంతృప్త కొవ్వులు, సోడియం కార‌ణంగా బ‌రువు పెర‌గ‌డంతో పాటు హృద్రోగ స‌మ‌స్య‌ల ముప్పు పెరుగుతుంది.

కూల్ డ్రింక్స్‌లో యాడెడ్ షుగ‌ర్స్‌, క్యాల‌రీలు ఈ స‌మ‌స్య తీవ్ర‌త‌ను మ‌రింత పెంచుతాయి. వీటిని అధికంగా తీసుకుంటే ఊబ‌కాయం, టైప్ టూ మ‌ధుమేహం, దంత స‌మ‌స్య‌లు త‌లెత్తే ప్ర‌మాదం ఉంది. అధిక షుగ‌ర్‌తో బ్ల‌డ్ గ్లూకోజ్ లెవెల్స్ ఎగ‌బాకే ప్ర‌మాదం ఉంది. పిజ్జా, కూల్‌డ్రింక్‌, సోడా కాంబినేష‌న్‌లో ఫైబ‌ర్‌, విట‌మిన్స్‌, మిన‌ర‌ల్స్ లేక‌పోవ‌డంతో పోష‌కాహార స‌మ‌స్య‌లు తలెత్తి రోగ‌నిరోధ‌క వ్య‌వ‌స్ధ బ‌ల‌హీన‌ప‌డుతుంది. పిజ్జా, సోడాలో ఉండే సోడియం కంటెంట్ ద్వారా వాట‌ర్ రిటెన్ష‌న్‌కు దారితీసి బీపీ పెరిగే ప్ర‌మాదం ఉంది.

Read More :

Rohini Acharya | తుది శ్వాసవరకు మతతత్వ శక్తులపై మా పోరాటం కొనసాగుతుంది: లాలూ కుమార్తె రోహిణి