Health | ప్రొటీన్ స‌రిపోను అందాలంటే.. గ‌ర్భిణులు తినాల్సిన‌వి

ప్రొటీన్ కోసం గ‌ర్భిణులు తినాల్సిన ఫుడ్

గ‌ర్భం దాల్చిన మొద‌టి రోజు నుంచి ఏం ఫుడ్ తినాలి? ఎంత‌ తినాలి? అనే సందేహాలు ఉంటాయి చాలామంది మ‌హిళ‌ల‌కు. ప్రెగ్నెన్సీ టైంలో ప్రొటీన్ ఎక్కువ ఉండే ఫుడ్ తినాలి. కండ‌రాలు దృఢంగా ఉండేందుకు, చ‌ర్మం, ఎముకలు ఆరోగ్యంగా ఉండేందుకు ప్రొటీన్ చాలా అవ‌స‌రం. గర్భిణులు రోజుకు క‌నీసం 70 గ్రాముల ప్రొటీన్ అందేలా చూసుకోవాలి అంటున్నారు స్పోర్ట్స్ మెడిస‌న్ ఎక్స్‌ప‌ర్ట్, ఆర్థోపెడిక్ స‌ర్జ‌న్ మ‌న‌న్ వోరా. అంతేకాదు ప్రొటీన్ కోసం ఏమేం తినాలో కూడా సూచిస్తున్నాడు.

గుడ్లు

వీటిలో ప్రొటీన్ల‌తో పాటు శ‌రీరానికి అవ‌స‌ర‌మైన 13 ర‌కాల విట‌మిన్లు, ల‌వ‌ణాలు ఉంటాయి. అంతేకాదు గుడ్డులో ఒమేగా 3 ఫ్యాటీ యాసిడ్స్, యాంటీ ఆక్సిడెంట్లు కూడా పుష్క‌లం. అందుక‌ని గ‌ర్భిణులు రోజూ గుడ్డు తినాలి. దాంతో, ప్రొటీన్లు అంద‌డ‌మే కాకుండా పిండం కూడా ఆరోగ్యంగా పెరుగుతుంది.

చిక్కుడు జాతి గింజ‌లు

గ‌ర్భిణుల‌కు అవ‌స‌ర‌మైన ప్రొటీన్లు, విట‌మిన్లు, మిన‌రల్స్ చిక్కుడు జాతి గింజ‌ల్లో ఎక్కువ. గర్భిణుల‌ను ఎక్కువ‌గా ఇబ్బంది పెట్టే క‌డుపు ఉబ్బ‌రం వంటి స‌మ‌స్యల‌ని వీటిలోని ఫైబ‌ర్ త‌గ్గిస్తుంది. అందుక‌ని ప్రెగ్నెంట్‌గా ఉన్న‌వాళ్లు ప‌ప్పులు, బీన్స్‌, బ‌ఠాని, వేరుశ‌న‌గ‌, సోయాబీన్ వంటివి ఆహారంలో ఉండేలా చూసుకోవాలి.

సీ ఫుడ్

బిడ్డ ఎదుగుద‌ల‌కు, ఎర్ర‌ర‌క్త‌క‌ణాల త‌యారీకి ఐర‌స్ చాలా అవ‌స‌రం. చేప‌లు, రొయ్య‌లు వంటి సీ ఫుడ్ తింటే ఐర‌న్ అందుతుంది. వీటిలోని ఒమోగా ఫ్యాటీ యాసిడ్స్ గుండెని ఆరోగ్యంగా ఉంచుతాయి. గ‌ర్భిణుల‌కు రోజుకి అవ‌స‌ర‌మైన‌ ప్రొటీన్లు, విట‌మిన్లు ల‌భిస్తాయి. సీ ఫుడ్ త‌ర‌చూ తింటే ర‌క్తంలో చ‌క్కెర అదుపులో ఉంటుంది.

ప‌ప్పులు

గ‌ర్భిణులు అన్నిర‌కాల పప్పులు తినాలి. దాంతో స‌రిపోను ప్రొటీన్‌, విట‌మిన్లు అంద‌డ‌మే కాకుండా బిడ్డ బ‌లంగా, ఆరోగ్యంగా ఉంటుంది. వీటిలోని ఫోలిక్ యాసిడ్ కొత్త క‌ణాలు ఏర్ప‌డ‌డంలో సాయ‌ప‌డుతుంది.
అంతేకాదు ప‌ప్పులలోని ఫైబ‌ర్ జీర్ణ‌క్రియ‌ని మెరుగుప‌రుస్తుంది.