Aspirin | దాదాపు వందేండ్ల నుంచీ వినియోగిస్తున్న ఆ ఔషధం మంచిదేనా?

యాస్పిరిన్‌.. దాదాపు వందేండ్ల నుంచీ వినియోగిస్తున్న ఔషధం. నొప్పి నుంచి ఉపశమనం మొదలు గుండె రక్తనాళాల ఆరోగ్యం వరకు వైద్యశాస్త్రంలో యాస్పిరిన్‌ ప్రాధాన్యం చాలా ఎక్కువ.

Aspirin | యాస్పిరిన్‌.. దాదాపు వందేండ్ల నుంచీ వినియోగిస్తున్న ఔషధం. నొప్పి నుంచి ఉపశమనం మొదలు గుండె రక్తనాళాల ఆరోగ్యం వరకు వైద్యశాస్త్రంలో యాస్పిరిన్‌ ప్రాధాన్యం చాలా ఎక్కువ.

• గుండెపోటుకు ప్రధాన కారణం.. రక్తనాళాల్లో రక్తం అకస్మాత్తుగా గడ్డకట్టుకు పోవడం. యాస్పిరిన్‌ రక్తాన్ని పలుచగా చేస్తుంది.
• రోగి ఆరోగ్య అవసరాలను బట్టి యాస్పిరిన్‌ ఎంత తీసుకోవాలనేది నిపుణులు సిఫారసు చేస్తారు. సొంత వైద్యం పనికిరాదు.
• గతంలో స్టెంట్లు వేయించుకున్నవారు, బైపాస్‌ చేయించుకున్నవారు సహా గుండె సమస్యలు ఉన్న ఎవరైనా చికిత్స ప్రణాళికలో యాస్పిరిన్‌ను భాగం చేసుకోవాల్సిందే. కాకపోతే నిపుణుల సలహా తప్పనిసరి.
• క్రమం తప్పని వ్యాయామం, గుండెకు ఆరోగ్యాన్నిచ్చే ఆహారంతోపాటు యాస్పిరిన్‌నూ వాడితే.. అది కొలెస్ట్రాల్‌ బ్లాకేజీలను అడ్డుకోవడంలో, మరోమారు గుండెపోటు వచ్చే ప్రమాదాన్ని తగ్గించడంలో సాయపడుతుంది.
• మధుమేహ రోగుల్లో గుండె కవాట వ్యాధుల నివారణలో కూడా యాస్పిరిన్‌ కీలకపాత్ర పోషిస్తుంది. అధిక రక్తపోటు, అధిక
  కొలెస్ట్రాల్‌ ఉన్నవారి విషయంలోనూ యాస్పిరిన్‌ ఆ ముప్పు మూలాలను అడ్డుకోగలదు.
• ఎన్ని ప్రయోజనాలున్నా యాస్పిరిన్‌ అందరికీ సరిపడదు. పొట్టలో అల్సర్లు ఉన్నవారు, రక్తంలో ప్లేట్‌లెట్లు
  తక్కువగా ఉన్నవారు, రక్తస్రావం సమస్య ఉన్నవారు, ప్రత్యేకించి యాస్పిరిన్‌ అంటే అలర్జీ ఉన్నవారు.. ఆ గోళీకి దూరంగా ఉండాలి.