Health Tips | మీకు ఈ అలవాట్లు ఉన్నాయా.. అయితే చిన్న వయసులోనే పళ్లు ఊడిపోవచ్చు!

Health Tips | పళ్లను శుభ్రంగా, ఆరోగ్యంగా ఉంచుకోకపోతే ఎన్నో ఇబ్బందులు ఎదురవుతాయి. మనం చేసే చిన్నపాటి పొరపాట్లు, మనకున్న చెడు అలవాట్లు దంతాల ఆరోగ్యాన్ని తీవ్రంగా దెబ్బతీస్తాయి.

Health Tips |  పళ్లను శుభ్రంగా, ఆరోగ్యంగా ఉంచుకోకపోతే ఎన్నో ఇబ్బందులు ఎదురవుతాయి. మనం చేసే చిన్నపాటి పొరపాట్లు, మనకున్న చెడు అలవాట్లు దంతాల ఆరోగ్యాన్ని తీవ్రంగా దెబ్బతీస్తాయి.

• కొందరికి ఐస్‌ ముక్కలు కొరికే అలవాటు ఉంటుంది. మంచుగడ్డలు రాళ్లకంటే బలమైనవి. ఫలితంగా పళ్లు విరిగిపోనూవచ్చు. ఆ చల్లదనం, పళ్ల లోపలి భాగాన్ని కూడా దెబ్బతీస్తుంది.
• కాఫీ, టీలలోని క్షారత్వం వల్ల పళ్ల మీద మరకలు ఏర్పడతాయి. సూక్ష్మక్రిములు పెరిగేందుకూ ఇవి సాయపడతాయి. ఫలితంగా చిగుళ్ల వాపు, నోటి దుర్వాసన లాంటి సమస్యలు వస్తాయి. అందుకే కాఫీ, టీ తాగిన కాసేపటికి నోరు పుక్కిలించాలి.
• నిమ్మరసం లాంటి పుల్లటి ద్రవాల వల్ల ఎసిడిటీ రావచ్చు. అది పంటి ఎనామిల్‌ (పైపొర)ను దెబ్బతీస్తుంది. ఇలాంటి పానీయాలు తీసుకున్న తర్వాత చూయింగ్‌ గమ్‌ నమిలితే కొంత ఉపశమనం లభిస్తుంది.
• తినగానే బ్రష్‌ చేసుకోవడం చాలామందికి అలవాటు. ఆ మాత్రం జాగ్రత్త మంచిదే కానీ, తిన్న ముప్పై నిమిషాల వరకూ ఆగితే మేలు.
• గోళ్లు కొరుక్కునే అలవాటు పళ్ల ఆకృతిని దెబ్బతీస్తుంది. అంతేకాదు, దవడ ఎముకలను కూడా ప్రభావితం చేస్తుంది.

.. బాగా అరిగిపోయిన తర్వాత కూడా టూత్‌ బ్రష్‌ మార్చకపోవడం, కూల్‌డ్రింక్స్‌ అతిగా తీసుకోవడం, నిద్రలో పళ్లు కొరకడం తదితర అలవాట్లూ మంచివి కాదు.