అడివిశేష్, సయీ మంజ్రేకర్ నాయకానాయికలుగా నటిస్తున్న చిత్రం ‘మేజర్’. శశికిరణ్ తిక్కా దర్శకుడు. జీఎమ్బీ ఎంటర్టైన్మెంట్స్, సోనీ పిక్చర్స్ ఫిల్మ్ ఇండియా, ఏ ప్లస్ ఎస్ సంస్థలు నిర్మిస్తున్నాయి. ముంబయి ఉగ్రదాడుల్లో అమరుడైన మేజర్ సందీప్ఉన్నికృష్ణన్ జీవితం ఆధారంగా ఈ సినిమా తెరకెక్కుతున్నది. ఈ చిత్రంలోని ‘హృదయమా’ అనే గీతాన్ని ఈ నెల 7న విడుదలచేయబోతున్నారు. నాయకానాయికల మధ్య ప్రేమ బంధాన్ని ఆవిష్కరిస్తూ రొమాంటిక్గా తెరకెక్కించిన ఈ పాట సినిమాకు ప్రధానాకర్షణగా నిలుస్తుందని చిత్రబృందం చెబుతోంది. ఈ గీతానికి వీఎన్వీ రమేష్, కృష్ణకాంత్ సాహిత్యాన్ని అందించగా సిధ్శ్రీరామ్ ఆలపించారు. శ్రీచరణ్ పాకాల సంగీతాన్నందించారు. యథార్థ ఘటనలకు దేశభక్తిని జోడిస్తూ ఈ సినిమా రూపొందిస్తున్నారు. ఇటీవలే హిందీ వెర్షన్ డబ్బింగ్ను అడివిశేష్ పూర్తిచేశారు. తెలుగు, హిందీ, మలయాళ భాషల్లో ఏకకాలంలో ఈ సినిమా విడుదలకానుంది. శోభిత ధూళిపాళ్ల, సయీ మంజ్రేకర్, ప్రకాష్రాజ్, రేవతి ప్రధాన పాత్రల్లో నటిస్తున్నారు.