వర్షకాలం.. ఫర్నీచర్‌ భద్రం

వర్షకాలం మొదలైంది. ఇలాంటి తేమ వాతావరణంలో ఇంట్లోని ఫర్నీచర్‌ (ముఖ్యంగా చెక్కతో చేసినవి) ఎక్కువగా పాడయ్యే అవకాశం ఉన్నది. లేదంటే, చెమ్మగిల్లే సోఫాలు, దుర్వాసన వెదజల్లే కప్‌ బోర్డులు, తుప్పు పట్టే ఫర్నీచర్‌తో ఇబ్బందులు పడాల్సి వస్తుంది.

• ఇంట్లో పాతతరానికి చెందిన (యాంటిక్‌) ఫర్నీచర్‌ ఉంటే, ఆ గదిలో ‘డీ హ్యూమిడిఫయర్‌’ను ఉంచడం బెటర్‌.
• సోఫాలు, కుర్చీలపై ఎక్కడైనా ఫంగస్‌ పెరుగుతున్నట్లు గుర్తిస్తే అర లీటర్‌ గోరువెచ్చని నీటిలో ఒక టేబుల్‌ స్పూన్‌ డెటాల్‌ను కలిపి, మెత్తటి బట్టను అందులో ముంచుతూ, ఫంగస్‌ పెరిగిన చోట తుడవాలి.
• వరండాలో, వర్షపు జల్లులు పడే ప్రాంతాల్లో చెక్క ఫర్నీచర్‌ లేకుండా చూసుకోండి. ఫర్నీచర్‌ను శుభ్రం చేయడానికి పొడిబట్టలనే
• ఉపయోగించండి.
• చెక్క ఫర్నీచర్‌ను గోడలకు పూర్తిగా ఆనించకుండా, కనీసం ఐదు అంగుళాల దూరంలో ఉండేలా చూడండి.
• చెక్క అల్మరాలు, క్యాబినెట్లలో బ్యాక్టీరియా వృద్ధి చెందకుండా, నాప్తలిన్‌ గోళీలు ఉంచండి.