Suicide | పెళ్లి కుదరడం లేదని యువకుడి ఆత్మహత్య

బంజారాహిల్స్​‍ : పెళ్లి సంబంధాలు కుదరడం లేదని మనస్థాపానికి గురైన యువకుడు ఆత్మహత్యకు పాల్పడిన సంఘటన బంజారాహిల్స్​‍ పోలీస్ స్టేష‌న్‌ పరిధిలో చోటు చేసుకుంది. పోలీసులు తెలిపిన వివరాల ప్రకారం.. బంజారాహిల్స్​‍ రోడ్‌ నెం 7లో నివాసం ఉంటున్న టి.ప్రవీణ్ (30) జిరాక్స్​​‍ సెంటర్లో పనిచేస్తున్నాడు.

రెండేండ్లుగా పెండ్లి సంబంధాలు చూస్తున్నా ఆర్థికంగా నిలదొక్కుకోలేదన్న కారణంతో కుదరడం లేదు. దీంతో గత కొంతకాలంగా తీవ్రమైన డిప్రెషన్‌కు లోనవడంతో పాటు మద్యానికి అలవాటు పడ్డాడు. ఈ నేపధ్యంలో ఈనెల 22న ఇంట్లో ఎవరూ లేని సమయంలో బెడ్‌షీట్‌తో ఉరేసుకుని ఆత్మహత్యకు పాల్పడ్డాడు.

మరుసటిరోజు ఇంటికి వచ్చిన తల్లి చంద్రకళ చూడగా కొడుకు మృతదేహం కనిపించింది. ఈ మేరకు మృతుడి సోదరుడు బాల్‌కుమార్‌ బంజారాహిల్స్​‍ పోలీసులకు ఫిర్యాదు చేయగా మృతదేహాన్ని పోస్ట్‌మార్టం నిమిత్తం తరలించారు. అనుమానా స్పద మృతిగా కేసు నమోదు చేసుకుని దర్యాప్తు చేపట్టారు.