TTD | పద్మావతి ఆలయంలో రేపు కోయిల్‌ ఆళ్వార్‌ తిరుమంజనం

tiruchanoor padmavathi temple | తిరుచానూరు పద్మావతి అమ్మవారి ఆల‌యంలో న‌వంబ‌రు 30 నుంచి డిసెంబర్ 8వ తేదీ వరకు జ‌రుగ‌నున్న వార్షిక కార్తీక

తిరుమల : తిరుచానూరు పద్మావతి అమ్మవారి ఆల‌యంలో న‌వంబ‌రు 30 నుంచి డిసెంబర్ 8వ తేదీ వరకు జ‌రుగ‌నున్న వార్షిక కార్తీక బ్రహ్మోత్సవాల నేప‌థ్యంలో మంగ‌ళ‌వారం కోయిల్‌ ఆళ్వార్‌ తిరుమంజనం నిర్వహించనున్నారు. ఈ సంద‌ర్భంగా ఉదయం సుప్రభాతంతో అమ్మవారిని మేల్కొలిపి సహస్రనామార్చన, శుద్ధి నిర్వహిస్తారు. అనంతరం ఉదయం 6 నుంచి 9 గంటల వరకు కోయిల్‌ ఆళ్వార్‌ తిరుమంజనం జరగనుంది.

ఇందులో ఆలయ ప్రాంగణం, గోడలు, పైకప్పు, పూజాసామగ్రి తదితర వస్తువులను నీటితో శుద్ధి చేసిన అనంతరం నామకోపు, శ్రీచూర్ణం, కస్తూరి పసుపు, పచ్చాకు, గడ్డ కర్పూరం, గంధం పొడి, కుంకుమ, కిచీలిగడ్డ తదితర సుగంధ ద్రవ్యాలు కలగలిపిన పవిత్రజలాన్ని ఆలయం అంతటా ప్రోక్షణం చేస్తారు. అనంతరం ఉదయం 9.30 గంటల నుంచి భక్తులను దర్శనానికి అనుమతించనున్నారు.