శివలింగం భిన్నమైతే..

గృహే‚గ్ని దగ్ధా భగ్నాశ్చ, నార్చ్యా పూజ్యా వసుంధరే ఏతాసాం పూజయేన్నిత్య, ముద్వేగం ప్రాప్నుయాద్గృహీ॥

శివలింగం భిన్నమైతే పూజించకూడదా?
రమణమూర్తి మొకరాల, ఈసీఐఎల్‌
శివం అంటే శుభప్రదమైనదనీ, లింగం అంటే సంకేతమనీ అర్థం. శివలింగం అంటే సకల శుభప్రదమైన దైవానికి ప్రతిరూపం. సత్త్వ, రజో, తమో గుణాలకు అతీతమైన వాడు శివుడు. ఆ దైవాన్ని ఏ గుణాలూ అంటుకోవు.
గృహే‚గ్ని దగ్ధా భగ్నాశ్చ, నార్చ్యా పూజ్యా వసుంధరే
ఏతాసాం పూజయేన్నిత్య, ముద్వేగం ప్రాప్నుయాద్గృహీ॥
అగ్ని వల్ల దగ్ధమైన ప్రతిమలను గానీ, భిన్నమైన విగ్రహాలను గానీ పూజించ రాదని శాస్త్రం. దీన్ని గమనించకుండా గానీ, తెలియక గానీ ఆ ప్రతిమలను పూజిస్తే సమస్యలు వస్తాయని పై శ్లోకానికి అర్థం. ఇదే నియమం శివలింగాలకూ వర్తిస్తుంది. దేవాలయాల్లో శివలింగం భిన్నమైతే.. దానిని మంత్రిత జలాలతో అభిషేకించి, శాంతి పూజలు నిర్వహించి లింగాన్ని తొలగించాలి. దానిని ఓంకార నాదం చేస్తూ నదిలో నిమజ్జనం చేయాలి. దాని స్థానంలో మరో శివలింగాన్ని శాస్ర్తోక్తంగా పునఃప్రతిష్ఠ చేయాలని ధర్మశాస్త్రం చెబుతున్నది. కాబట్టి పగుళ్లు వచ్చిన లేదా శిథిలమైన శివలింగానికి పూజలు చేయకూడదని నియమం.

డా॥ శాస్ర్తుల రఘుపతి
73867 58370