తుమ్ము అశుభం కాదు!

శుభకార్యం జరుగుతున్నప్పుడు, ముఖ్యమైన పనిమీద బయల్దేరుతున్నప్పుడు ఎవరైనా తుమ్మితే అశుభమని భావిస్తారు! ఎందుకు? - శివకుమార్‌, హైదరాబాద్‌

శుభకార్యం జరుగుతున్నప్పుడు, ముఖ్యమైన పనిమీద బయల్దేరుతున్నప్పుడు ఎవరైనా తుమ్మితే అశుభమని భావిస్తారు! ఎందుకు?
– శివకుమార్‌, హైదరాబాద్‌
తుమ్మును అపశకునంగా భావించడం కేవలం మన బలహీనతే! శరీర వ్యవస్థలో వచ్చే మార్పుల కారణంగానో, వాతావరణంలో కలిగే తేడాల వల్లో, తీసుకునే ఆహారం ప్రభావంగానో తుమ్ములు రావచ్చు. మనిషి అన్నాక శరీర ధర్మాలు తప్పవు కదా! ఆ తుమ్ములకు మనకు వచ్చే శుభాశుభాలకు ఏ సంబంధమూ లేదు. ఎక్కడో, ఎవరికో ఒకసారి తుమ్మినప్పుడు ఏదో పని విఫలం కావడమో, కష్టాలు ఎదురవ్వడమో జరిగి ఉండవచ్చు. అది కేవలం కాకతాళియమే. కానీ, విచక్షణతో హేతుబద్ధంగా ఆలోచించకపోవడం వల్ల మనలో ఇలాంటి మూఢ నమ్మకం ఏర్పడి.. క్రమంగా సమాజంలో బలంగా ప్రచారమైంది. అంతేకానీ, తుమ్ములకు, మనకు జరిగే వాటికీ కార్యకారణ సంబంధం ఏమాత్రం లేదు. ఏ శాస్త్రంలోనూ దీని ప్రస్తావన కనిపించదు. ఇది కేవలం ఒక గుడ్డి నమ్మకం మాత్రమే!
…? శ్రీ