Whats App | వాట్సాప్‌లో భారీ డేటా చోరీకి పాల్ప‌డ్డ హ్యాక‌ర్‌.. 5 కోట్ల మంది ఫోన్ నంబ‌ర్లు అమ్మ‌కానికి

మ‌న‌దేశంలో 61.62 ల‌క్ష‌ల మంది వాట్సాప్ యూజ‌ర్ల డేటా చోరీ

Whats App : వాట్సాప్ యూజ‌ర్లకు ఊహించ‌ని షాక్‌.. ఒక హ్యాక‌ర్ వాట్సాప్‌లో భారీ స్థాయిలో డేటా చోరీకి పాల్ప‌డ్డాడు. దాదాపు 5 కోట్ల మంది ఫోన్ నంబ‌ర్లను హ్యాక్ చేయ‌డ‌మే కాకుండా వాటిని అమ్మ‌కానికి పెట్టాడు. ఇందులో 84 దేశాల‌కు చెందిన యూజ‌ర్ల వాట్సాప్ నంబ‌ర్లు ఉన్నాయి. ఈ జాబితాలో అమెరికా, ఈజిప్టు, బ్రిట‌న్, ఇట‌లీ, భార‌త‌దేశం, సౌదీ అరేబియా, ట‌ర్కీ, ఫ్రాన్స్, ర‌ష్యా, ఉక్రెయిన్ వంటి దేశాల‌ యూజ‌ర్ల నంబ‌ర్లు ఉన్నాయ‌ని సైబ‌ర్‌క్రైమ్ న్యూస్ నివేదిక‌ తెలిపింది.

మ‌న‌దేశంలో 61.62 ల‌క్ష‌ల మంది, అమెరికాలో 3.2 కోట్లు, ఈజిప్ట్‌లో 4.5 కోట్లు, ఇట‌లీ 3.5 కోట్ల మంది డేటాను చోరీ చేశాడు. సౌదీ అరేబియాలో 2.9 కోట్లు, ఫ్రాన్స్‌లో 2 కోట్లు , ట‌ర్కీలో 2 కోట్ల వాట్సాప్ డేటాను హ్యాక‌ర్‌ చోరీ చేశాడు. ర‌ష్యా, ఉక్రెయిన్ దేశాల‌కు చెందన కోటి మంది వాట్సాప్ యూజ‌ర్ల డేటాను దొంగిలించాడు.

ఆ హ్యాక‌ర్ 3.2 కోట్ల యూజ‌ర్ల నంబ‌ర్లు ఉన్న‌ అమెరికా డేటా సెట్‌ను 7వేల డాల‌ర్ల‌కు, 1.1 కోట్ల యూజ‌ర్ల నంబ‌ర్లు ఉన్న యూకే డేటా సెట్‌ను 2,500 డాల‌ర్ల‌క‌కు అమ్మ‌కానికి పెట్టాడు. అత‌ను ఇంత పెద్ద‌మొత్తంలోవాట్సాప్ యూజ‌ర్ల‌ డేటాను ఎలా సేక‌రించాడు అనేది మాత్రం తెలియ‌లేదు. ఫిషింగ్ అటాక్స్ చేసేందుకు ఈ డేటా ఉప‌యోగ‌ప‌డుతుంది అని సైబ‌ర్ క్రైమ్ న్యూస్ వెల్ల‌డించింది.