Visit:
కంటేశ్వర్ ( నిజామాబాద్) : జిల్లాలోని డిచ్‌పల్లి( Dichpalli) మండలం ధర్మారం (బి) గ్రామంలో శనివారం జరిగిన రోడ్డు ప్రమాదంలో వృద్ధుడు మృతి చెందాడు. ధర్మారం గ్రామానికి చెందిన మొగుళ్ల కుంటయ్య (79) గ్రామపంచాయతీ వర్కర్‌ ( Panchayat Worker ) గా పనిచేస్తున్నాడు.
విధి నిర్వహణలో భాగంగా స్ట్రీట్ లైట్లు ఆఫ్ చేయడానికి సైకిల్‌పై వస్తుండగా మెంట్రాజ్ పల్లి ఎక్స్‌రోడ్ వద్ద మినీ ఐచర్ డీసీఎం వాహనం వెనుక నుంచి ఢీ కొట్టింది. దీంతో తీవ్రంగా గాయపడి అక్కడికక్కడే మృతి చెందాడు. మృతదేహాన్ని శవ పంచనామా నిర్వహించి పోస్టుమార్టం కోసం ఆసుపత్రికి తరలించారు. వాహనం డ్రైవర్‌పై కేసు నమోదు చేసి విచారణ ప్రారంభించినట్లు డిచ్‌పల్లి ఎస్సై ఆరిఫ్ తెలిపారు.
