దారుణం : వ‌దిన స్నానం చేస్తుండ‌గా వీడియో తీసి ఆపై బ్లాక్‌మెయిల్ చేస్తూ లైంగిక దాడి!

ముంబై : క‌ఠిన చ‌ట్టాలు తీసుకువ‌చ్చినా మ‌హిళ‌లు, బాలిక‌లు, చిన్నారుల‌పై లైంగిక దాడుల ఘ‌ట‌న‌ల‌కు బ్రేక్ ప‌డ‌టం లేదు. మ‌హారాష్ట్ర‌లో స‌భ్య‌స‌మాజం త‌ల‌దించుకునే ఘ‌ట‌న‌ జ‌రిగింది. వ‌దిన స్నానం చేస్తుండ‌గా వీడియో తీసిన మ‌రిది (25) ఆపై వీడియోను బ‌య‌ట‌పెడ‌తాన‌ని బెదిరిస్తూ ఆమెపై లైంగిక దాడికి పాల్ప‌డిన ఘ‌ట‌న పుణేలో ఆల‌స్యంగా వెలుగుచూసింది.

నెల రోజుల కింద‌ట తాను స్నానం చేస్తుండ‌గా మ‌రిది వీడియో తీసి ఆపై వీడియోను బ‌హిర్గ‌తం చేస్తాన‌ని బెదిరిస్తూ లైంగిక దాడికి పాల్ప‌డ్డాడని మ‌హిళ హింజెవాది పోలీస్ స్టేష‌న్‌లో ఫిర్యాదు చేసింది. లైంగిక దాడిని ప్ర‌తిఘ‌టించినందుకు నిందితుడు త‌న‌ను తీవ్రంగా కొట్టాడ‌ని ఆమె ఫిర్యాదులో పేర్కొంది.

ఈ ఘ‌ట‌న‌పై తొలుత ఎవ‌రికీ చెప్ప‌ని మ‌హిళ నిందితుడు వీడియోను వైర‌ల్ చేస్తాన‌ని బెదిరిస్తూ మ‌రోసారి లైంగిక దాడికి ప్ర‌య‌త్నించ‌డంతో భ‌ర్త‌తో క‌లిసి పోలీసుల‌ను ఆశ్ర‌యించింది. నిందితుడు ప‌ర్బ‌ని జిల్లాలోని స్వ‌స్థ‌లానికి వెళ్లాడ‌ని అత‌డిపై ప‌లు సెక్ష‌న్ల కింద కేసు న‌మోదు చేశామ‌ని పోలీసులు తెలిపారు.