రాయ్పూర్ : ఇంట్లో ఒంటరిగా ఉన్న 13 ఏండ్ల బాలికపై లైంగిక దాడికి పాల్పడిన వ్యక్తి ఉదంతం చత్తీస్ఘఢ్లోని దుర్గ్లో వెలుగుచూసింది. జులై 11న జరిగిన ఈ దారుణ ఘటన ఆలస్యంగా బయటకు వచ్చింది. నిందితుడు బాలిక ఒంటరిగా ఉన్న సమయంలో ఆమె ఇంట్లోకి చొచ్చుకువచ్చి లైంగిక దాడికి పాల్పడ్డాడు.
ఈ విషయం ఎవరికైనా చెబితే ఆమెతో పాటు బాలిక కుటుంబసభ్యులను చంపుతానని బెదిరించాడు. కొద్దిరోజులు మౌనంగా ఉన్న బాలిక కుటుంబ సభ్యులకు తెలపడంతో వారు భయంతో పోలీసులకు ఫిర్యాదు చేయలేదు. నెలరోజుల తర్వాత బాలిక ఆత్మహత్యకు ప్రయత్నించడంతో నిందితుడిపై పోలీసులకు ఫిర్యాదు చేశారు. పరారీలో ఉన్న నిందితుడి కోసం గాలిస్తున్నామని, తదుపరి దర్యాప్తు ముమ్మరం చేశామని పోలీసులు తెలిపారు.